Mannauðssérfræðingur

Við leitum að öflugum og áhugasömum sérfræðingi til að ganga til liðs við mannauðsteymið okkar á sviði mannauðs- og fjármála í höfuðstöðvum Skattsins í Katrínartúni í Reykjavík.

Skatturinn er framsækinn vinnustaður sem gegnir lykilhlutverki við tekjuöflun ríkis og sveitarfélaga. Með virku eftirliti, rannsóknum og tollgæslu stuðlum við að jafnræði og virkri samkeppni og vernd við samfélagið. Gildi Skattsins eru fagmennska, framsækni og samvinna.

Starfið heyrir undir deildarstjóra mannauðs og felur í sér tækifæri til þess að koma að fjölbreyttum verkefnum á sviði mannauðsmála innan stofnunar þar sem starfsfólk sinnir ólíkum og fjölbreyttum störfum.

• Ráðgjöf og leiðbeiningar til stjórnenda og starfsfólks í fjölbreyttum verkefnum á sviði mannauðsmála

• Umsjón með ráðningaferlum og móttöku nýs starfsfólks

• Vinnustaðagreiningar og stuðningur við umbætur í vinnuumhverfi

• Þátttaka í þróunar- og úrbótaverkefnum á sviði mannauðsmála, þ. á m. tengdum stafrænum lausnum

• Háskólamenntun sem nýtist í starfi

• Reynsla af verkefnum á sviði mannauðsmála

• Þekking á og/eða reynsla af mannauðs- og kjaramálum hjá opinberum stofnunum er kostur

• Góð færni í mannlegum samskiptum, jákvæðni og fagmennska

• Frumkvæði og lausnamiðuð hugsun

• Skipulögð, nákvæm og sjálfstæð vinnubrögð

• Hreint sakavottorð

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn skal fylgja ferilskrá, auk kynningarbréfs, sem inniheldur ítarlegar upplýsingar m.a. um menntun, fyrri störf, umsagnaraðila og annað er máli skiptir. Umsækjendum um störf hjá Skattinum kann að vera gert að leysa verkefni í ráðningarferlinu sem kæmu, auk annarra þátta, heildstætt inn í mat á hæfni þeirra til viðkomandi starfa.

Öllum umsóknum verður svarað þegar ákvörðun hefur verið tekin um ráðningu. Umsóknir geta gilt í allt að 6 mánuði að loknum umsóknarfresti.