Hjúkrunarfræðingur - Geðheilsumiðstöð barna

Heilsugæsla höfuðborgarsvæðisins leitar að hjúkrunarfræðingi til starfa í ráðgjafar- og meðferðarteymi hjá Geðheilsumiðstöð barna. Starfað er í þverfaglegu teymi, við ráðgjöf, greiningu og meðferð barna með taugaþroskafrávik og/eða geðrænan vanda. Kennsla og ráðgjöf til annarra fagaðila verður einnig mikilvægur hluti af starfinu.

Geðheilsumiðstöð barna (GMB) veitir 2. stigs heilbrigðisþjónustu á landsvísu fyrir fjölskyldur með börn frá meðgöngu að 18 ára aldri. Miðstöðin sinnir greiningu, ráðgjöf og meðferð vegna geð- og þroskavanda barna og unglinga ásamt því að styðja við tengslamyndun foreldra og barna 0-5 ára. Starfshópur GMB er þverfaglegur og vinnur eftir markvissu skipulagi með fagleg gæði að leiðarljósi. Áhersla er á gott viðmót og fjölskyldumiðaða þjónustu. GMB á reglulegt samstarf við þjónustuveitendur víðsvegar um landið og sinnir starfsþjálfun háskólanema á sviðinu.

Um er að ræða 40-50% ótímabundið starf, ráðið er í starfið frá 1. ágúst nk. eða eftir nánara samkomulagi.

• Meðferð og eftirfylgni barna og fjölskyldna þeirra

• Gerð meðferðaáætlana, endurmat og eftirfylgd

• Umsjón og yfirsýn yfir meðferð og úrræði notendahóps

• Þverfagleg teymisvinna

• Þátttaka í þróun og uppbyggingu þjónustu

• Ráðgjöf og fræðsla

• Skipulagning fræðslu til barna og fjölskyldna þeirra

• Námskeiðshald

• Samvinna við aðra fagaðila innan sem og utan stofnunar

• Íslenskt hjúkrunarleyfi skilyrði

• Meistaranám eða diplómanám í geðhjúkrun skilyrði

• Reynsla af meðferðarvinnu skilyrði

• Reynsla af þverfaglegri teymisvinnu skilyrði

• Skipulagshæfni, sjálfstæði, frumkvæði og lausnamiðuð nálgun

• Faglegur metnaður, góð samskiptahæfni og jákvætt viðhorf

• Færni til að tjá sig í ræðu og riti á íslensku skilyrði

• Góð almenn enskukunnátta

• Góð almenn tölvukunnátta

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn skal fylgja ítarleg náms- og starfsferilsskrá ásamt kynningarbréfi þar sem fram kemur rökstuðningur fyrir hæfni viðkomandi í starfið. Jafnframt skal leggja fram afrit af leyfisbréfi og staðfestar upplýsingar um menntun ásamt hreinu sakavottorði. Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Katli Berg Magnússyni, framkvæmdastjóra mannauðs Heilsugæslu höfuðborgarsvæðisins, Álfabakka 16, 109 Reykjavík.

Tekið er mið af jafnréttis- og mannréttindastefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu liggur fyrir. Umsókn getur gilt í 6 mánuði.