Yfirmaður mötuneytis MK - spennandi starf á góðum vinnustað

Menntaskólinn í Kópavogi óskar eftir matreiðslumenntuðum einstaklingi í 100% starf í mötuneyti skólans. Um tímabundið starf í eitt ár er að ræða með möguleika á áframhaldandi ráðningu.

Mötuneytiseldhús skólans er nýlegt og er aðstaða þar öll fyrsta flokks. Í skólanum er framúrskarandi aðstaða fyrir nemendur og starfsfólk, aðstaða í mötuneyti er til fyrirmyndar og starfsandi góður.

Menntaskólinn í Kópavogi er framhaldsskóli sem kennir samkvæmt áfangakerfi og býður upp á kennslu til stúdentsprófs á bóknámsbrautum, einnig kennslu á iðn- og verknámsbrautum á matvælasviði og kvöldnám í leiðsögn. Um 100 starfsmenn starfa við skólann og nemendur eru um 1100.

• stýra mötuneyti skólans og skipuleggja innkaup

• undirbúa, elda og ganga frá eftir málsverði nemenda og starfsfólks

• undirbúa veitingar fyrir viðburði á vegum skólans

• vinna að góðri hráefnisnýtingu í samvinnu við Hótel- og matvælaskólann og innkaupastjóra skólans

• umsækjendur skulu vera með menntun í matreiðslu

• hafa reynslu af matseld í stóru mötuneyti

• eiga sögu um góð og jákvæð samskipti í starfi

• búa yfir faglegum metnaði, frumkvæði, öguðum vinnubrögðum og jákvæðu hugarfari

• búa yfir hæfni til að starfa með öðrum sem og að vinna sjálfstætt

• búa yfir ríkri þjónustulund og vera lausnarmiðaður

• við ráðningu verður miðað við að sá er starfið hlýtur falli sem best að aðstæðum og þörfum skólans.

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Umsóknum skal skilað í gegnum Starfatorg, starfatorg.is, og skal náms- og starfsferilsskrá sem og sakavottorð fylgja með innsendri umsókn ásamt þeim gögnum í viðhengi sem umsækjendur telja skipta máli í ráðningarferlinu. Innsend gögn verða lögð til grundvallar ráðningu og skulu þau vera á íslensku.

Í samræmi við jafnréttisáætlun skólans er fólk af öllum kynjum hvatt til að sækja um starfið.