Heilsugæslan í Vík í Mýrdal leitar að starfsmanni

Leitað er að öflugum, þjónustuliprum og ábyrgum einstaklingi í fjölbreytt starf. Um er að ræða nýtt sameinað starf móttökuritara og starfsmanns í þrifum þar sem lykilhlutverkið er að tryggja góða þjónustu við skjólstæðinga ásamt því að tryggja snyrtilegt og öruggt umhverfi.

Á heilsugæslunni í Vík sameinast náttúrufegurð og samhent samfélag sem gerir daglegt líf og starf einstakt, á heilsugæslunni vinnur lítið teymi þétt og vel saman. Starfsmaður fær tækifæri til að hafa áhrif og taka þátt í daglegri starfsemi heilsugæslunnar í fjölbreyttu og lifandi starfi.

• Móttaka skjólstæðinga

• Símsvörun

• Skráningar og umsýsla

• Almenn skrifstofu¿ og þjónustustörf

• Dagleg þrif á húsnæði heilsugæslunnar

• Áfylling á rekstrarvörum og eftirlit með aðstöðu

• Önnur störf sem falin eru af yfirmanni

• Almenn tölvukunnátta er skilyrði

• Góð íslensku- og enskukunnátta er skilyrði

• Framúrskarandi þjónustulund og hæfni í mannlegum samskiptum

• Skipulagshæfni og sjálfstæð vinnubrögð

• Reynsla af þjónustustörfum kostur

• Áreiðanleiki og jákvætt viðmót

Laun samkvæmt gildandi kjarasamningi sem fjármála- og efnahagsráðherra og Félag opinberra starfsmanna á Suðurlandi hafa gert.

Þjónustusvæði HSU nær frá Þorlákshöfn í vestri til Hafnar í austri. Hlutverk HSU er að móta, þróa og útfæra heilbrigðisþjónustu í umdæminu og tryggja íbúum Suðurlands og öðrum þjónustuþegum jafnan aðgang að bestu heilbrigðisþjónustu sem völ er á hverju sinni. Þjónustumarkmið HSU byggja á gildum okkar um fagmennsku, virðingu og samvinnu. Velferð og þarfir þjónustuþega eru okkar leiðarljós.

Heilbrigðisstofnun Suðurlands er leiðandi afl í heilbrigðisþjónustu og hjá okkur færðu tækifæri til að vaxa. Við vinnum markvisst eftir skýrri stefnu, leggjum áherslu á nýsköpun og gefum þér svigrúm til að láta hugmyndir verða að veruleika. Hjá okkur hefur þú áhrif, færð að þróast í starfi og vinnur í umhverfi sem leggur áherslu á traust, gæði, öryggi og ábyrgan rekstur.

Starfshlutfall er 100% og er upphafsdagur starfs samkomulag.