Sjúkraliði á göngudeild 10E Hringbraut

Við sækjumst eftir kraftmiklum sjúkraliða sem hefur áhuga á spennandi og fjölbreyttri hjúkrun á göngudeild 10E Landspítala við Hringbraut. Á deildinni er veitt fjölbreytt þjónusta á mismunandi sérsviðum. Starfið sem um ræðir er hluti af tveimur teymum, þ.e. meltingar- og kviðarholsskurðteymi. Starfshlutfall er 80-100% eða eftir samkomulagi og er ráðið í starfið sem fyrst eða eftir nánara samkomulagi.

Meltingarteymið sinnir sjúklingum með IBD, næringarslöngur/hnappa, skorpulifur og aðra meltingarfærasjúkdóma. Þá er hluti starfseminnar á innrennslismóttöku og einnig við rannsóknir á meltingarfærum.

Kviðarholsteymið sinnir sjúklingum fyrir og eftir skurðaðgerðir á kviðarholi, sáraskiptingum, stómaþegum og einnig eru gerðar minniháttar aðgerðir í staðdeyfingu. Starfið er því afar fjölbreytt og krefjandi og gefur mikla möguleika til starfsþróunar.

Á deildinni er markvisst unnið að umbótum og framþróun, en þar starfar öflugur hópur og einkennist vinnuandinn af samvinnu, metnaði og góðum liðsanda.

Vinnuvika starfsfólks í fullri dagvinnu er 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

• Mæla lífsmörk í innrennsli

• Aðstoða við inngrip og skoðanir

• Aðstoða við og framkvæma rannsóknir

• Fjarvöktun sjúklinga í meðferð

• Þátttaka í þróun og umbótum

• Stuðla að góðum starfsanda

• Íslenskt starfsleyfi sjúkraliða

• Jákvætt viðhorf, frumkvæði og samskiptahæfni

• Sjálfstæði í vinnubrögðum

• Góð íslenskukunnátta

Laun samkvæmt gildandi kjarasamningi sem fjármála- og efnahagsráðherra og Sjúkraliðafélag Íslands hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, sjúkraliði, hjúkrun, teymisvinna

Tungumálahæfni: íslenska 3/5

Staðsetning: Hringbraut, 101 Reykjavík