Sjúkraflutningamaður óskast til starfa á HSN Þórshöfn

Heilbrigðisstofnun Norðurlands (HSN) óskar eftir að ráða sjúkraflutningamann með réttindi til starfa við sjúkraflutninga á Þórshöfn. Um er að ræða bakvaktir og útköll og þarf viðkomandi að geta hafið störf sem fyrst eða eftir nánara samkomulagi. Starfið hentar sérstaklega vel sem aukastarf samhliða öðru starfi, þar sem vinnufyrirkomulagið býður upp á sveigjanleika og fjölbreytni í verkefnum.

Starfið felur í sér mikilvægt hlutverk í að tryggja öryggi og gæði í heilbrigðisþjónustu, þar sem fagmennska, ábyrgð og skjót viðbrögð skipta sköpum.

Hjá HSN er lögð áhersla á vellíðan í vinnu, samþættingu vinnu og einkalífs, sí- og endurmenntun, öryggi, gæði og fagmennsku. Um er að ræða starf sem býður upp á ábyrgt og gefandi hlutverk í nánu starfsumhverfi með möguleika á sveigjanlegu vinnufyrirkomulagi.

• Sjúkraflutningar og viðbrögð við bráðatilvikum á starfssvæði Þórshafnar

• Meta áverka eftir slys, veita fyrstu hjálp og bráðhjálp á vettvangi

• Tryggja örugga flutninga og umönnun sjúklinga í samræmi við verklagsreglur

• Sinnir útköllum í neyðartilvikum svo sem við bíl eða flugslys, umhverfisslys eða veðurofsa ásamt bráðaveikinda

• Umhirða sjúkrabíla og umsjón með að allur búnaður sé til staðar og í lagi

• Samstarf við heilbrigðisstarfsfólk, slökkvilið og aðra viðbragðsaðila

• Viðhald færni og þekkingar í samræmi við fagleg viðmið og reglur

• Unnið eftir gildandi lögum og reglugerðum og starfsreglum stofnunarinnar

• Viðurkennt nám í sjúkraflutningum og starfsleyfi landlæknis

• Gilt ökuskírteini er skilyrði og kostur að vera með gild ökuréttindi til að stjórna vörubifreið (C eða C1-réttindi)

• Reynsla af störfum sjúkraflutningamanna er ákjósanlegt og reynsla af öðrum störfum í heilbrigðisgeiranum mikill kostur

• Góðir líkamsburðir og mjög gott líkamlegt og andlegt heilbrigði

• Geta til að geta unnið undir álagi

• Gott siðferði, almenn reglusemi og háttvísi

• Framúrskarandi samskiptahæfni, þjónustulund og jákvætt hugafar

• Frumkvæði, þagmælska og fagmennska í vinnubrögðum

• Skipulögð og sjálfstæð vinnubrögð

• Góð íslensku- og enskukunnátta er skilyrði

• Gerð er krafa um áreiðanleika í starfi og hæfni til að sinna fjölbreyttum verkefnum

• Hreint sakavottorð og gott orðspor

Laun samkvæmt gildandi kjarasamningi sem fjármála- og efnahagsráðherra og Landssamband slökkviliðs- og sjúkraflutningamanna hafa gert.

Umsókninni skal fylgja náms- og starfsferilskrá auk kynningarbréfs á íslensku þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið.

Tekið er á móti umsóknum á starfatorg.is með því að smella á hlekkinn hér að neðan. Öllum umsóknum verður svarað þegar ákvörðum um ráðningu hefur verið tekin. Umsóknir gilda í sex mánuði frá því að umsóknarfrestur rennur út. Fólk af öllum kynjum er hvatt til að sækja um.

Gildi HSN eru: Fagmennska - Samvinna - Virðing.

HSN vill vera framsækin stofnun, eftirsóknarverður vinnustaður og í fararbroddi í heilbrigðisþjónustu og heilbrigðismenntunar á landsbyggðinni. Hlutverk HSN er meðal annars að stuðla að heilbrigði íbúanna með því að veita faglega, samfellda og heildstæða heilbrigðisþjónustu.

Tóbaksnotkun og notkun á rafsígarettum er ekki heimiluð á vinnutíma innan HSN.

Gildi HSN eru: Fagmennska - samvinna - virðing.