Læknir - HSN á Blönduósi

Heilbrigðisstofnun Norðurlands óskar eftir að ráða lækni til starfa á Blönduósi. Um er að ræða fjölbreytt og ábyrgðarmikið starf þar sem viðkomandi fær einstakt tækifæri til að hafa áhrif á þróun og mótun heilbrigðisþjónustu í nánu samstarfi við stjórnendur og öflugt fagfólk. Starfið hentar vel metnaðarfullum aðila sem vill taka virkan þátt í að þróa þjónustu sem skiptir samfélagið miklu máli.

Næsti yfirmaður er yfirlæknir HSN á Blönduósi. Æskilegt er að viðkomandi geti hafið störf sem fyrst eða samkvæmt samkomulagi.

Á Blönduósi ríkir góð liðsheild, mikil starfsánægja og sterk samvinnumenning. HSN á Blönduósi er jafnframt Heilsueflandi vinnustaður þar sem lögð er áhersla á vellíðan í starfi, eflingu heilbrigðrar starfsmenningar og betra jafnvægi milli vinnu og einkalífs.

• Almennar lækningar og heilsuvernd s.s. móttaka, greining og meðferð sjúklinga

• Vaktþjónusta

• Virk þátttaka í teymisvinnu og þverfaglegu samstarfi

• Fræðsla og kennsla starfsfólks og nema

• Þátttaka í gæða- og þróunarstarfi, þar með talið umbótaverkefnum

• Mótun og þróun heilbrigðisþjónustu í samstarfi við stjórnendur

• Skráning og meðferð gagna samkvæmt viðeigandi verklagi og gæðaviðmiðum

• Íslenskt lækningaleyfi- kostur ef viðkomandi er með sérfræðileyfi í heimilislækningum

• Skipulagshæfni, sjálfstæði í starfi og öguð vinnubrögð

• Góð samskiptahæfni og þjónustulund

• Faglegur metnaður, áreiðanleiki, jákvæðni og sveigjanleiki

• Hæfni til að vinna sjálfstætt sem og í þverfaglegu teymi

• Frumkvæði, fagmennska og skipulagshæfni

• Hæfni til að miðla þekkingu og sinna fræðslu til samstarfsfólks og nema

• Farsæl reynsla eða áhugi á teymisvinnu

• Góð almenn íslensku- og tölvukunnátta

• Hreint sakavottorð, gott orðspor og ökuleyfi

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Umsókninni skal fylgja náms- og starfsferilskrá auk kynningarbréfs á íslensku þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið út frá hæfniskröfum auglýsingarinnar. Jafnframt skal leggja fram staðfestar upplýsingar um læknismenntun, læknisstörf og vísinda- og rannsóknarstörf ásamt afriti af starfsleyfi.

Tekið er á móti rafrænum umsóknum á starfatorg.is með því að smella á hlekkinn hér að neðan. Öllum umsóknum verður svarað þegar ákvörðun um ráðningu hefur verið tekin. Umsóknir gilda í sex mánuði frá því umsóknarfrestur rennur út. Fólk af öllum kynjum er hvatt til að sækja um starfið.

Heilbrigðisstofnun Norðurlands vill vera framsækin stofnun, eftirsóknarverður vinnustaður og í fararbroddi í heilbrigðisþjónustu og heilbrigðismenntun á landsbyggðinni. Hlutverk HSN er að stuðla að heilbrigði íbúanna með því að veita faglega, samfellda og heildstæða heilbrigðisþjónustu.

Gildi stofnunarinnar eru Fagmennska - samvinna - virðing.

Heilbrigðisstofnun Norðurlands veitir heilsugæsluþjónustu, sjúkrahúsþjónustu og öldrunarþjónustu og rekur rúmlega 190 sjúkra-, hjúkrunar- og dvalarrými. HSN sinnir einnig sálfélagslegri þjónustu á svæðinu. Meginstarfsstöðvar HSN eru á Akureyri, Blönduósi, Dalvík/Fjallabyggð, Húsavík og á Sauðárkróki. Íbúar á starfssvæði HSN, sem nær frá Blönduósi til Þórshafnar eru rúm 37.000 og starfsfólk er um 800 talsins.