Sumarstarf í Vestmannaeyjum - Starfsmaður í býtibúr

Heilbrigðisstofnun Suðurlands óskar eftir að ráða öflugan og ábyrgan starfsmann í sumarafleysingu í býtibúr sjúkradeildar HSU í Vestmannaeyjum.

Við stórbrotna náttúru og lifandi sögu í hjarta Vestmannaeyja er einstakt að starfa og búa í öflugu og samhentu samfélagi. Eyjarnar eru aðlaðandi staður fyrir fjölskyldufólk og þá sem leita jafnvægis milli vinnu og einkalífs.

Í Vestmanneyjum starfa um 100 manns. Þar er sjúkrahús sem sinnir víðtækri heilbrigðisþjónustu ásamt hjúkrunarheimili.

• Umsjón með býtibúri og daglegum rekstri þess

• Aðstoð við matmálstíma á deild

• Sækja mat í eldhús HSU og bera fram til skjólstæðinga

• Frágangur og þrif í kjölfar matmálstíma

• Önnur tilfallandi verkefni

• Umsækjandi þarf að hafa náð 18 ára aldri

• Áhugi á að vinna með fólki og jákvætt viðhorf til þjónustustarfa

• Faglegur metnaður og ábyrgð í starfi

• Góð samskiptahæfni og þjónustulund

• Sjálfstæði í vinnubrögðum

• Góð íslenskukunnátta

Laun samkvæmt gildandi kjarasamningi sem fjármála- og efnahagsráðherra og Drífandi, stéttarfélag hafa gert.

Þjónustusvæði HSU nær frá Þorlákshöfn í vestri til Hafnar í austri. Hlutverk HSU er að móta, þróa og útfæra heilbrigðisþjónustu í umdæminu og tryggja íbúum Suðurlands og öðrum þjónustuþegum jafnan aðgang að bestu heilbrigðisþjónustu sem völ er á hverju sinni. Þjónustumarkmið HSU byggja á gildum okkar um fagmennsku, virðingu og samvinnu. Velferð og þarfir þjónustuþega eru okkar leiðarljós.

Heilbrigðisstofnun Suðurlands er leiðandi afl í heilbrigðisþjónustu og hjá okkur færðu tækifæri til að vaxa. Við vinnum markvisst eftir skýrri stefnu, leggjum áherslu á nýsköpun og gefum þér svigrúm til að láta hugmyndir verða að veruleika. Hjá okkur hefur þú áhrif, færð að þróast í starfi og vinnur í umhverfi sem leggur áherslu á traust, gæði, öryggi og ábyrgan rekstur.

Starfshlutfall er 70%. Æskilegt er að viðkomandi geti hafið störf í byrjun júlí og starfað fram í ágúst eða samkvæmt nánara samkomulagi. Möguleiki er á áframhaldandi afleysingum í vetur.