Sérfræðingar í heimilslækningum

Heilbrigðisstofnun Suðurnesja er með lausar stöður sérfræðilækna í heimilislækningum.

Leitað er eftir áhugasömum einstaklingum með frumkvæði, faglegan metnað og jákvætt hugarfar til að taka þátt í uppbyggingu stofnunarinnar. Starfinu fylgir vaktaskylda.

Heilbrigðisstofnun Suðurnesja veitir íbúum Suðurnesja fyrsta- og annars stigs heilbrigðisþjónustu. Mikil uppbygging er á HSS og innleiðing á stefnu stofnunarinnar byggðri á Heilbrigðisstefnu til ársins 2030.

Á HSS er lögð áhersla á góða samvinnu, stuttar boðleiðir og góðan starfsanda.

Móttaka sjúklinga á heilsugæslu. Þátttaka í umbótaverkefnum, teymisvinnu og þróun í samvinnu við yfirlækni. Þátttaka í kennslu og þjálfun nema, sérnámslækna og annarra fagstétta ásamt umbótavinnu.

Læknar starfa samkvæmt lögum og reglugerðum um heilbrigðisstarfsmenn, siðareglum og markmiðum lækna og deildarinnar.

• Íslenskt lækningaleyfi

• Sérfræðileyfi í heimilislækningum

• Frumkvæði og metnaður til að ná árangri í starfi

• Brennandi áhugi á þróun þjónustunnar

• Jákvætt viðmót, hæfni í mannlegum samskiptum og geta til að starfa í teymi

• Frumkvæði, áreiðanleiki, drifkraftur, þrautseigja og árangursmiðað viðhorf

• Íslenskukunnátta skilyrði

• Góð enskukunnátta

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Umsókn fylgi ítarleg náms- og starfsferilskrá, kynningarbréf, ásamt afriti af prófskírteinum og starfsleyfi. Ákvörðun um ráðningu byggist á innsendum gögnum, viðtölum við umsækjendur og/eða umsögnum.

Áskilinn er réttur til að hafna umsóknum frá einstaklingum sem ekki teljast uppfylla framangreind skilyrði. Starfshlutfall er samningsatriði.

Tekið er mið af jafnréttisstefnu HSS við ráðningar á stofnunina. Öllum umsóknum verður svarað. Umsóknir gilda í sex mánuði.