Forstöðumaður þjónustuskrifstofu á Suðurlandi

Vinnumálastofnun óskar eftir að ráða forstöðumann þjónustuskrifstofu Vinnumálastofnunar á Suðurlandi. Forstöðumaður þjónustuskrifstofunnar er staðsettur á Selfossi.

Þjónustusvæði skrifstofunnar nær frá Hellisheiðarvirkjun að Hornafirði.

Forstöðumaður ber ábyrgð á og annast daglegan rekstur, stjórn og framkvæmd verkefna þjónustuskrifstofunnar.

Meðal verkefna þjónustuskrifstofunnar eru ráðgjöf og þjónusta við atvinnuleitendur, atvinna með stuðningi, flóttamenn, atvinnurekendur og samskipti við hagsmunaaðilar á svæðinu.

Forstöðumaður heyrir undir sviðsstjóra þjónustusviðs Vinnumálastofnunar.

Leitað er eftir einstaklingi sem á auðvelt með að tileinka sér gildi Vinnumálastofnunnar: Fyrirmyndarþjónusta; Virðing; Áreiðanleiki.

• Ber ábyrgð á rekstri þjónustuskrifstofunnar.

• Ber ábyrgð á stjórnun og starfsmannahaldi þjónustuskrifstofunnar.

• Tekur þátt í öllum daglegum verkefnum þjónustuskrifstofunnar eftir þörfum.

• Fylgist með árangri þjónustunnar og stuðlar að framþróun hennar.

• Byggir upp og viðheldur samskipti við hagaðila s.s. félagsþjónustur, atvinnulíf á svæðinu og fræðsluaðila.

• Önnur tilfallandi verkefni.

• Háskólamenntun sem nýtist í starfi.

• Stjórnendamenntun og stjórnendareynsla er kostur.

• Stjórnunarhæfni.

• Skipulagshæfni¿og lausnamiðuð hugsun.

• Þekking á félagsþjónustu sveitarfélaga er kostur.

• Framúrskarandi hæfni í mannlegum samskiptum.

• Frumkvæði og metnaður í starfi.

• Góð íslensku- og enskukunnátta í ræðu og riti.

• Stafræn færni til að nýta við framkvæmd og framþróun þjónustuskrifstofunnar er æskileg.

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Æskilegt er að viðkomandi geti hafið störf fyrir 1. september 2026.

Öllum umsóknum verður svarað þegar ákvörðun um ráðningu liggur fyrir.