Meðferðaraðili við dag- og göngudeild geðdeildar Sjúkrahússins á Akureyri

Langar þig að starfa í umhverfi þar sem fagmennska og þróun á þjónustu eru höfð að leiðarljósi og þú hefur tækifæri til að hafa raunveruleg áhrif á líf fólks?Við leitum að metnaðarfullum og áhugasömum meðferðaraðila (sálfræðingi, hjúkrunarfræðingi, iðjuþjálfa eða félagsráðgjafa) til starfa á dag- og göngudeild geðdeildar Sjúkrahússins á Akureyri. Um er að ræða 80-100% ótímabundna stöðu sem er laus nú þegar eða eftir samkomulagi.

Á deildinni starfar öflugt þverfaglegt teymi sem veitir gagnreynda, einstaklingsmiðaða og samþætta þjónustu til einstaklinga með flókinn geðrænan vanda. Undanfarin misseri hefur dag- og göngudeild geðdeildar staðið í umfangsmikilli umbótarvinnu þar sem lögð hefur verið áhersla á að þróa fjölbreytta og mikilvæga meðferð og stuðning fyrir skjólstæðinga 18 ára og eldri. Einn af hornsteinum starfseminnar er öflug teymisvinna þvert á fagstéttir, þar sem meðferðaraðilar gegna lykilhlutverki. Starfið býður jafnframt upp á einstakt tækifæri til starfsþróunar, nýtingar sérhæfðrar þekkingar og þátttöku í mótun nútímalegrar geðheilbrigðisþjónustu í samræmi við alþjóðleg viðmið og framtíðarsýn.

Við tökum vel á móti nýju fólki og veitum góða einstaklingshæfða aðlögun. Starfið býður upp á margvísleg tækifæri í fjölbreyttu og lærdómsríku starfsumhverfi.

• Mat og meðferðarvinna skjólstæðinga og þjónusta við þá í formi einstaklings- og hópameðferðar

• Samvinna við skjólstæðinga, fjölskyldur og samstarfsfólk þvert á faggreinar með það að markmiði að veita sem besta þjónustu við viðkomandi og/eða fjölskyldu hans

• Samstarf við aðrar starfsstéttir og þátttaka í teymisvinnu

• Ábyrgð á þróun starfs og gæðum þjónustu gagnvart skjólstæðingum

• Þátttaka í starfsþjálfun og handleiðslu nema og nýrra starfsmanna ásamt miðlun fræðslu

• Þátttaka í þróun sinnar einingar hvað varðar skipulag, stefnumótun og framkvæmd starfseminnar

• Fagleg tengsl og samráð við samstarfsaðila innan og utan stofnunar

• Heldur utan um skýrslur og skráir upplýsingar í þar til gerð sjúkraskrárkerfi um meðferð skjólstæðinga, tryggir að allar upplýsingar séu skráðar með viðeigandi lögum og reglum og árangursmetur þjónustuna og þróun hennar.

• Umsækjandi skal hafa fullgild réttindi og íslenskt starfsleyfi í viðeigandi heilbrigðisstétt (t.d. sálfræði, hjúkrun, félagsráðgjöf, iðjuþjálfun og sjúkraþjálfun)

• Þekking og reynsla af mati og meðferð einstaklinga með alvarlegan og flókinn geðrænan vanda, æskileg

• Reynsla af því að stýra og sinna hópameðferðum er kostur

• Reynsla af þverfaglegri teymisvinnu heilbrigðisstétta er kostur¿

• Auk fagþekkingar er lögð áhersla á frumkvæði, sjálfstæði og skipulögð vinnubrögð og að viðkomandi hafi hæfileika á sviði samskipta og samvinnu.

• Sveigjanleiki og geta til að starfa í breytilegu og krefjandi umhverfi

• Gerð er krafa um vammleysi, s.s. að vera með gott orðspor og að framkoma og athafnir á vinnustaða og utan hans samrýmist starfinu

• Hreint sakavottorð

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsóknum skulu fylgja ítarlegar upplýsingar um nám og starfsferilskrá ásamt afriti af prófskírteinum og starfsleyfi, ef við á. Tekið er mið af jafnréttisstefnu Sjúkrahússins á Akureyri við ráðningar í störf á sjúkrahúsinu. Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum. Öllum umsóknum verður svarað.

Sjúkrahúsið á Akureyri veitir alþjóðlega DNV-GL vottaða heilbrigðisþjónustu með ISO vottuðu gæðastjórnunarkerfi þar sem áhersla er á virka þátttöku allra starfsmanna til að uppfylla þær gæðakröfur sem gerðar eru í alþjóðlegum staðli sem sjúkrahúsið er vottað eftir.

Samkvæmt mannauðsstefnu Sjúkrahússins á Akureyri er lögð áhersla á að ráða til starfa og halda í hæfileikaríka einstaklinga. Við val á starfsfólki er menntun, reynsla, færni og hæfni höfð að leiðarljósi. Mannauðsstefnan er leiðarljós stjórnenda og starfsfólks sem gerir sjúkrahúsið framsækinn og eftirsóknarverðan vinnustað, en hún byggir á grunngildum sjúkrahússins sem eru: ÖRYGGI, SAMVINNA og FRAMSÆKNI.