Yfirlæknir - HSN á Blönduósi

Heilbrigðisstofnun Norðurlands óskar eftir að ráða sjálfstæðan, metnaðarfullan og árangursdrifinn yfirlækni á starfsstöð okkar á Blönduósi.

Um er að ræða einstakt tækifæri fyrir leiðtoga í heilbrigðisþjónustu sem vill hafa raunveruleg áhrif á þróun og skipulag þjónustu í nærumhverfi. Yfirlæknir gegnir lykilhlutverki í að móta faglega sýn og efla gæði þjónustunnar í nánu samstarfi við öflugt teymi, þar á meðal yfirhjúkrunarfræðing svæðis, forstöðumann sálfélagslegrar þjónustu og annað starfsfólk.

Hjá HSN er lögð rík áhersla á gott samráð, teymisvinnu og skýra sameiginlega framtíðarsýn. Við bjóðum upp á styðjandi og faglegt starfsumhverfi þar sem velferð starfsfólks er í fyrirrúmi og góður starfsandi ríkir.

Æskilegt er að viðkomandi geti hafið störf sem fyrst eða samkvæmt samkomulagi. Næsti yfirmaður er framkvæmdastjóri lækninga.

• Almennar lækningar og heilsuvernd

• Vaktþjónusta

• Fagleg, fjárhagsleg og stjórnunarleg ábyrgð á læknisfræðilegum þáttum starfseminnar

• Vinna samkvæmt stefnu og áherslum HSN

• Stjórnun mannauðs og stuðningur við starfsfólk

• Þróun þjónustunnar á svæðinu

• Stuðla að öryggi, gæðum og hagkvæmni í rekstri

• Stuðla að góðu samstarfi við aðrar stofnanir og hagsmunaaðila

• Íslenskt lækninga- og sérfræðileyfi í heimilislækningum er skilyrði, framhaldsmenntun sem nýtist í starfi er kostur

• Haldbær reynsla af starfi við heimilislækningar

• Framúrskarandi samskiptahæfni og farsæl reynsla af teymisvinnu

• Stjórnunarhæfileikar og einlægur áhugi á stjórnun

• Leiðtogahæfileikar s.s. færni til að virkja og leiða starfsfólk til góðra verka

• Áreiðanleiki og helgun í starfi

• Góð íslensku-, ensku- og tölvukunnátta

• Frumkvæði og lausnamiðuð nálgun

• Afburða skipulagshæfni

• Hreint sakavottorð, gott orðspor og ökuleyfi

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Umsókninni skal fylgja náms- og starfsferilskrá auk kynningarbréfs á íslensku þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið út frá hæfniskröfum auglýsingarinnar. Jafnframt skal leggja fram staðfestar upplýsingar um læknismenntun, læknisstörf og vísinda- og rannsóknarstörf ásamt afriti af starfsleyfi.

Tekið er á móti rafrænum umsóknum á starfatorg.is með því að smella á hlekkinn hér að neðan. Öllum umsóknum verður svarað þegar ákvörðun um ráðningu hefur verið tekin. Umsóknir gilda í sex mánuði frá því umsóknarfrestur rennur út. Fólk af öllum kynjum er hvatt til að sækja um starfið.

Heilbrigðisstofnun Norðurlands vill vera framsækin stofnun, eftirsóknarverður vinnustaður og í fararbroddi í heilbrigðisþjónustu og heilbrigðismenntun á landsbyggðinni. Hlutverk HSN er að stuðla að heilbrigði íbúanna með því að veita faglega, samfellda og heildstæða heilbrigðisþjónustu.

Gildi stofnunarinnar eru Fagmennska - samvinna - virðing.

Heilbrigðisstofnun Norðurlands veitir heilsugæsluþjónustu, sjúkrahúsþjónustu og öldrunarþjónustu og rekur rúmlega 190 sjúkra-, hjúkrunar- og dvalarrými. HSN sinnir einnig sálfélagslegri þjónustu á svæðinu. Meginstarfsstöðvar HSN eru á Akureyri, Blönduósi, Dalvík/Fjallabyggð, Húsavík og á Sauðárkróki. Íbúar á starfssvæði HSN, sem nær frá Blönduósi til Þórshafnar eru rúm 37.000 og starfsfólk er rúmlega 800 talsins.