Sérfræðingur á sviði umhverfisáhrifa sjókvíaeldis

Hafrannsóknastofnun leita að öflugum sérfræðingi með áhuga á áhrifum sjókvíaeldis á umhverfið og sjálfbærni. Viðkomandi verður hluti af teymi á Umhverfissviði sem sinnir margvíslegum og krefjandi verkefnum sem stuðla að eflingu þekkingar á þoli fjarða til sjókvíaeldis og áhrifum eldis á vistkerfi fjarða með langtímavöktun, líkanagerð og markvissum rannsóknum. Niðurstöðurnar eru nýttar til ráðgjafar og álitsgerða, en að auki er lögð áhersla á miðlun gagna og upplýsinga til mismunandi markhópa.

Starfið er fjölbreytt og spannar allt frá hagnýtri vinnu við sýnatöku til túlkunar og þátttöku í stefnumótun. Viðkomandi tekur jafnframt þátt í öðrum verkefnum stofnunarinnar eftir þörfum. Starfsstöð getur verið í Hafnarfirði, á Ísafirði eða í Neskaupsstað.

• Þátttaka í skipulagningu rannsókna og framkvæmd rannsókna og vöktunar á umhverfisáhrifum sjókvíaeldis.

• Þátttaka í rannsóknaleiðöngrum, sýnatöku og úrvinnslu sýna.

• Úrvinnsla, greining og túlkun gagna.

• Þátttaka í gerð ráðgjafar og álitsgerða.

• Miðlun niðurstaðna í ræðu og riti til fagfólks, stjórnvalda og annarra hagaðila.

• Þáttaka í öðrum verkefnum stofnunarinnar eftir þörfum.

• Framhaldsmenntun í líffræði, umhverfisfræðum eða skyldum greinum.

• Hæfni í gagnaúrvinnslu og notkun tölfræðiforrita (R eða sambærilegt).

• Þekking og reynsla af vinnu með landupplýsingakerfi er kostur.

• Hæfni til að miðla upplýsingum á skýran og skilmerkilegan hátt.

• Metnaður, frumkvæði, nákvæmni og sjálfstæði í vinnubrögðum.

• Jákvætt viðmót, samstarfsvilji og lausnamiðuð nálgun.

• Góðir samskiptahæfileikar og hæfni til teymisvinnu.

• Góð færni til að tjá sig í ræðu og riti á ensku og íslensku skilyrði. Tök á norðurlandamáli er kostur.

Laun samkvæmt gildandi kjarasamningi sem fjármála- og efnahagsráðherra og Félag íslenskra náttúrufræðinga hafa gert.

Umsókninni skal fylgja:

• Ítarleg ferilskrá

• Kynningarbréf þar sem fram kemur bakgrunnur umsækjenda og ástæða þess að sótt er um starfið.

• Afrit af prófskírteinum (doktorspróf og/eða annað)

• Nöfn tveggja meðmælenda ásamt samskiptaupplýsingum þeirra

Athugið:

• Ófullnægjandi umsóknir eru ekki teknar til greina.

• Hafrannsóknarstofnun áskilur sér rétt til að hafna öllum umsóknum.

• Umsókn getur gilt í sex mánuði eftir að umsóknarfresti lýkur.

• Öllum umsóknum verður svarað þegar ákvörðun um ráðningu liggur fyrir.

Við ráðningu í störf við Hafrannsóknastofnun er tekið mið af jafnréttisstefnu Hafrannsóknastofnunar.

Sótt er um í gegnum starfatorg og er öllum umsóknum svarað þegar ákvörðun um ráðningu liggur fyrir

Um stofnunina

Hafrannsóknastofnun, rannsókna- og ráðgjafarstofnun hafs og vatna, heyrir undir Atvinnuvegaráðuneytið og er stærsta rannsóknastofnun landsins á sviði hafs- og vatnarannsókna. Stofnunin gegnir auk þess ráðgjafahlutverki um sjálfbæra nýtingu og verndun auðlinda hafs og vatna. Starfsemin felst einkum í fjölbreyttum rannsóknum og ráðgjafastarfi sem oft felur í sér innlent og alþjóðlegt samstarf við háskóla eða aðrar rannsóknastofnanir.. Stofnunin rekur auk höfuðstöðvar í Hafnarfirði starfsstöðvar vítt og breytt um landið, tilraunaeldisstöð og tvö rannsóknaskip. Hjá stofnuninni starfa að jafnaði um 200 manns í fjölbreyttum störfum.

Gildi Hafrannsóknastofnunar eru: Þekking - Samvinna - Þor