Alþjóðasérfræðingur í norrænu samstarfi

Skrifstofa Alþingis auglýsir eftir öflugum sérfræðingi til starfa í alþjóðadeild á samskipta- og alþjóðasviði. Viðkomandi mun einkum sinna norrænu samstarfi og starfa fyrir Íslandsdeild Norðurlandaráðs og því krefst starfið afburða hæfni í norrænum tungumálum. Starfið er fjölbreytt og spennandi og því fylgja umtalsverð ferðalög.

Sérfræðingar alþjóðadeildar veita utanríkismálanefnd og alþjóðanefndum faglega aðstoð og ráðgjöf. Í því felst meðal annars undirbúningur þátttöku í alþjóðlegum fundum innanlands og erlendis auk gagna- og upplýsingaöflunar.

• Umsjón með starfi Íslandsdeildar Norðurlandaráðs

• Fagleg ráðgjöf á sviði alþjóðamála og norrænnar samvinnu

• Upplýsinga- og greiningarvinna

• Faglegur og praktískur undirbúningur alþjóðastarfs þingmanna

• Skipulagning alþjóðlegra funda og ráðstefna hérlendis

• Önnur verkefni í alþjóðastarfi Alþingis

• Meistarapróf á sviði alþjóðastjórnmála eða öðrum greinum sem nýtast í starfi

• Góð þekking á alþjóðamálum og norrænni samvinnu

• Starfsreynsla á sviði alþjóðlegs samstarfs er kostur

• Reynsla af skipulagningu funda og ráðstefna er kostur

• Framúrskarandi færni til að tjá sig í ræðu og riti á íslensku og ensku

• Afburðafærni til að tjá sig í ræðu og riti á dönsku, norsku eða sænsku

• Lipur og góð samskiptahæfni

• Frumkvæði og sveigjanleiki

• Sjálfstæð, nákvæm og öguð vinnubrögð

Laun samkvæmt gildandi kjarasamningi sem forseti Alþingis og Félag starfsmanna Alþingis hafa gert.

Umsókn skal fylgja ferilskrá og kynningarbréf þar sem gerð er grein fyrir hæfni til að gegna starfinu. Einnig skal leggja fram staðfestingu á prófgráðum og upplýsingum um umsagnaraðila. Starfið hentar öllum kynjum og áhugasöm eru hvött til að sækja um. Gildi skrifstofu Alþingis eru fagmennska, virðing og framsækni.

Umsóknir gilda í sex mánuði frá því að umsóknarfrestur rennur út. Umsóknum verður svarað þegar ákvörðun um ráðningu liggur fyrir. Eingöngu er tekið við rafrænum umsóknum í ráðningarkerfi Orra.

Nánari upplýsingar um skrifstofu Alþingis má finna á vef þingsins.