Sérfræðingur í hafeðlisfræði/ hafeðlisfræðingur

Hafrannsóknastofnun auglýsir eftir sérfræðingi á sviði hafeðlisfræði á Umhverfissvið stofnunarinnar.

Sérfræðingurinn mun starfa með alþjóðlegu og þverfaglegu teymi á sviði hafrannsókna og vistkerfisrannsókna að verkefnum sem stuðla að eflingu þekkingar og vísindalegrar ráðgjafar. Starfið felur einkum í sér rannsóknir á vísindalegum áskorunum sem tengjast hafi, loftslagi og vistkerfum. Vinnan er fjölbreytt og felur m.a. í sér söfnun, úrvinnslu og greiningu gagna, miðlun vísindalegrar þekkingar, birtingar niðurstaðna í ritrýndum vísindatímaritum, ritun skýrslna og styrkumsókna, sem og leiðsögn nemenda og annarra starfsmanna. Starfið getur einnig falið í sér þátttöku í rannsóknaleiðöngrum og vinnu með rannsóknabúnað, bæði á skipum og mælistöðvum.

Stafið er einnig auglýst á vefsíðunni Reasearchgate: PHYSICAL OCEANOGRAPHER at Marine and Freshwater Research Institute in Hafnarfjörður, ICELAND

• Leiða og taka þátt í rannsóknaverkefnum á sviði haffræði og vistfræði.

• Söfnun, úrvinnsla og greining gagna.

• Miðlun þekkingar til vísindasamfélags, stjórnvalda og hagsmunaaðila.

• Ritun vísindagreina, skýrslna og umsókna um rannsóknarstyrki

• Þátttaka í ráðgjafarvinnu eftir þörfum

• Samstarf við innlenda og erlenda rannsóknaraðila

• Leiðsögn og miðlun þekkingar innan teymis

• Þátttaka í mælingum og rannsóknaferðum á rannsóknarskipum

• Doktorspróf í hafeðlisfræði eða skyldum greinum.

• Reynsla af rannsóknum og birtingum í ritrýndum tímaritum

• Reynsla af gerð styrkumsókna er kostur

• Færni í að miðla vísindalegum upplýsingum til ólíkra viðtakenda.

• Frumkvæði, metnaður og lausnamiðuð nálgun.

• Metnaður, frumkvæði og sjálfstæði í vinnubrögðum.

• Jákvætt viðmót, samstarfsvilji og hæfni til að vinna í teymi.

• Góð færni til að tjá sig í ræðu og riti á ensku.

• Færni til að tjá sig á íslensku er kostur.

Laun samkvæmt gildandi kjarasamningi sem fjármála- og efnahagsráðherra og Félag íslenskra náttúrufræðinga hafa gert.

Umsókninni skal fylgja:

• Ítarleg ferilskrá

• Afrit af prófskírteinum (doktorspróf og/eða annað)

• Kynningarbréf þar sem fram kemur bakgrunnur umsækjenda og ástæða þess að sótt er um starfið.

• Nöfn tveggja meðmælenda ásamt samskiptaupplýsingum þeirra

Athugið:

• Ófullnægjandi umsóknir eru ekki teknar til greina.

• Hafrannsóknarstofnun áskilur sér rétt til að hafna öllum umsóknum.

• Umsókn getur gilt í sex mánuði eftir að umsóknarfresti lýkur.

• Öllum umsóknum verður svarað þegar ákvörðun um ráðningu liggur fyrir.

Við ráðningu í störf við Hafrannsóknastofnun er tekið mið af jafnréttisstefnu Hafrannsóknastofnunar.

Sótt er um í gegnum starfatorg og er öllum umsóknum svarað þegar ákvörðun um ráðningu liggur fyrir

Um stofnunina

Hafrannsóknastofnun, rannsókna- og ráðgjafarstofnun hafs og vatna, heyrir undir Atvinnuvegaráðuneytið og er stærsta rannsóknastofnun landsins á sviði hafs- og vatnarannsókna. Stofnunin gegnir auk þess ráðgjafahlutverki um sjálfbæra nýtingu og verndun auðlinda hafs og vatna. Starfsemin felst einkum í fjölbreyttum rannsóknum og ráðgjafastarfi sem oft felur í sér innlent og alþjóðlegt samstarf við háskóla eða aðrar rannsóknastofnanir.. Stofnunin rekur auk höfuðstöðvar í Hafnarfirði starfsstöðvar vítt og breytt um landið, tilraunaeldisstöð og tvö rannsóknaskip. Hjá stofnuninni starfa að jafnaði um 200 manns í fjölbreyttum störfum.

Gildi Hafrannsóknastofnunar eru: Þekking - Samvinna - Þor