Sérfræðingur - Bókhaldsþjónusta

Við leitum að drífandi og metnaðarfullum einstaklingi í tímabundna ráðningu til 2ja ára á fjármálasvið Fjársýslunnar. Í boði er 100% starf en til greina kemur hlutastarf sem gæti hentað háskólanema í framhaldsnámi vel.

Um er að ræða kjörið tækifæri fyrir einstakling sem vill takast á við faglegar áskoranir, mótun verkferla í síkviku umhverfi Fjársýslunnar. Við bjóðum upp á krefjandi verkefni í skemmtilegu verkefnamiðuðu vinnuumhverfi í nýju húsnæði, þar sem lögð er áhersla á teymisvinnu og þekkingarmiðlun starfsfólks.

Fjársýslan er þjónustu- og þekkingarstofnun sem veitir fjölbreytta þjónustu á sviði fjármála og mannauðsmála ríkisins. Á fjármálasviði starfar öflugur hópur sérfræðinga við þjónustu og ráðgjöf í bókhaldi og uppgjöri fyrir ríkið. Unnið er markvisst að stafrænni vegferð og framþróun í verklagi. Áhersla er á að veita ríkisaðilum framúrskarandi þjónustu.

• Umsjón, ráðgjöf og eftirlit með bókhaldi aðila í þjónustu

• Afstemmingar og uppgjör

• Þátttaka í framþróun verklags

• Skil á gögnum og upplýsingagjöf til opinberra aðila

• Háskólagráða í viðskiptafræðitengdum greinum

• Reynsla af bókhaldsvinnu er kostur

• Góð kunnátta á Excel er skilyrði

• Gott vald á íslensku og ensku er skilyrði

• Rík þjónustulund, sjálfstæð og lausnamiðuð vinnubrögð

• Frumkvæði, jákvæðni og góð samskiptafærni

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn þarf að fylgja ítarleg starfsferilskrá og kynningarbréf (hvort tveggja á íslensku) þar sem gerð er grein fyrir ástæðu umsóknar og hæfni umsækjanda til að gegna starfinu. Við ráðningu í starfið er farið eftir jafnréttisstefnu Fjársýslunnar og verður öllum umsóknum svarað að ráðningu lokinni.