Doktorsnemi við Lífvísindasetur

Laust er til umsóknar 70% starf doktorsnema við rannsóknaverkefni sem fjallar um Capping-ensím til mRNA framleiðslu. Verkefnið er styrkt til allt að þriggja ára af doktorsnámssjóði Háskóla Íslands og verður unnið við Lífvísindasetur Háskóla Íslands í samstarfi við líftæknifyrirtækið Ternaria. Um er að ræða fasta styrkupphæð og getur því hvort tveggja haft áhrif á ráðningartímabil og starfshlutfall. Farið verður yfir nánari útfærslu á framangreindu í ráðningarferlinu.

Doktorsneminn mun tilheyra framhaldsnámi í lífvísindum (GPMLS) sem er sameiginlegt verkefni allra rannsóknahópa í lífvísindum við Háskóla Íslands. Í verkefninu verður notast við nýjustu tækni og aðferðir til að framleiða og prófa nokkur capping ensím sem nota má til framleiðslu mRNA sem lyfja. Doktorsneminn mun kynnast helstu aðferðum í sameinda- og lífefnafræði og því helsta sem er að gerast í mRNA framleiðslu.

Eiríkur Steingrímssonar, prófessor við Læknadeild verður leiðbeinandi í verkefninu.

• Vinna við framleiðslu, einangrun og greiningu capping enzíma

• Ábyrgð á framkvæmd og úrvinnslu tilrauna

• Hönnun og framkvæmd tilrauna í samstarfi við leiðbeinenda

• Vinna niðurstöður og birta gögn

• Meistarapróf í erfðafræði, sameindalíffræði, frumulíffræði, lífefnafræði, eða skyldum greinum. Umsækjandi skal hafa lokið prófi þegar starf hefst.

• Reynsla af rannsóknum á ofangreindum sviðum.

• Góð þekking á tölvuvinnslu og gagnagreiningu.

• Góð enskukunnátta.

• Sjálfstæð vinnubrögð og geta til að vinna í teymi.

Ráðningin er háð því að umsækjandi sæki formlega um doktorsnám við Læknadeild á Heilbrigðisvísindasviði og að umsóknin sé samþykkt af deild, sbr. Doktorsnám Heilbrigðisvísindastofnun

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Gert er ráð fyrir að viðkomandi hefji störf 1. september 2026.

Eftirfarandi gögn skulu fylgja umsókn:

• Greinargerð, þar sem umsækjandi lýsir hvernig hann uppfyllir skilyrði starfsins, hvers vegna hann hefur áhuga á að vinna verkefnið og hugmyndum sínum um framlag til verkefnisins (hámark tvær blaðsíður).

• Ferilskrá.

• Staðfest afrit af prófskírteinum (grunn- og meistaranám) og einkunnadreifing.

• Upplýsingar um tvo umsagnaraðila þar sem fram koma tengsl við umsækjanda, netfang og símanúmer.

• Yfirlit yfir birtingar.

• Umsækjendum er einnig boðið að senda PDF útgáfu af meistararitgerð sinni (á hvaða tungumáli sem er), sem og aðrar birtingar sem við eiga (hámark 5 skjöl).

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans. Vakin er athygli á málstefnu Háskóla Íslands.

Háskóli Íslands hefur frá stofnun verið undirstaða atvinnulífs og framfara í íslensku samfélagi. HÍ er jafnframt framsækinn rannsóknarháskóli og virkur þátttakandi í alþjóðlegu vísindasamstarfi.

Háskóli Íslands er stærsti háskóli landsins og býður upp á hátt í 400 námsleiðir á grunn-, meistara- og doktorsstigi. Um 14.000 nemendur stunda nám við skólann, þar af yfir 2.000 alþjóðlegir nemar.

Við Háskóla Íslands starfa yfir 1.800 manns. Skólinn leggur áherslu á að laða til sín fjölbreyttan hóp starfsfólks og stúdenta í alþjóðlegt fræðasamfélag þar sem akademískt frelsi, fagmennska, jafnrétti, fjölbreytileiki og inngilding eru í öndvegi. 36 stunda vinnuvika hefur verið innleidd í stjórnsýslustörfum skólans.

Nánar um Háskóla Íslands, fræðasvið hans og deildir