Verkefnastjóri rannsóknarinnar Forspá um fylgjuþurrð

Laust er til umsóknar fullt starf verkefnastjóra við Rannsóknastofu Landspítala og Háskóla Íslands í fæðinga-, kvenna-, barna- og fjölskyldufræðum (RKB). Verkefnastjórinn mun stýra söfnun gagna og sýna fyrir rannsóknina Forspá um fylgjuþurrð sem hlaut styrk úr Rannsóknasjóði Rannís fyrr á þessu ári. Rannsóknin er samstarfsverkefni Háskóla Íslands, Landspítala, Sjúkrahússins á Akureyri, Háskólans á Akureyri og Heilsugæslu höfuðborgarsvæðisins. Ráðið verður í starfið til eins árs. Um er að ræða fullt starf en til greina kemur að ráða í lægra starfshlutfall.

• Kynna rannsóknina innan meðgönguverndar og fæðingarþjónustu

• Afla upplýsts samþykkis frá þátttakendum rannsóknarinnar

• Skrá heilbrigðisgögn, senda út spurningalista og taka blóðsýni

• Tryggja rétta merkingu lífsýna með dulkóða

• Samstarf við blóð- og vefjameinafræðideild Landspítala

• Utanumhald vefsíðu rannsóknarinnar

• Skipulag og stjórn funda rannsóknarhópsins

• Háskólamenntun á sviði heilbrigðisvísinda

• Góð tölvukunnátta

• Reynsla af öflun heilbrigðisgagna er æskileg

• Góð samstarfshæfni og lipurð í mannlegum samskiptum

• Sjálfstæð og skipulögð vinnubrögð með lausnamiðaða nálgun

• Góð íslensku og enskukunnátta

• Starfsreynsla af meðgönguvernd og/eða fæðingarþjónustu er kostur

• Reynsla af verkefnastjórn er kostur

• Reynsla af blóðsýnatöku og vinnslu þeirra er kostur

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Gert er ráð fyrir að viðkomandi hefji störf í október.

Eftirfarandi gögn skulu fylgja umsókn:

• Ferilskrá

• Kynningarbréf þar sem fjallað er um hvernig umsækjandi uppfyllir þær hæfnikröfur sem settar eru fram í auglýsingunni og hvað hann telur sig geta lagt af mörkum til starfsins

• Afrit af prófskírteinum

• Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans. Vakin er athygli á málstefnu Háskóla Íslands.

Háskóli Íslands hefur frá stofnun verið undirstaða atvinnulífs og framfara í íslensku samfélagi. HÍ er jafnframt framsækinn rannsóknarháskóli og virkur þátttakandi í alþjóðlegu vísindasamstarfi.

Háskóli Íslands er stærsti háskóli landsins og býður upp á hátt í 400 námsleiðir á grunn-, meistara- og doktorsstigi. Um 14.000 nemendur stunda nám við skólann, þar af yfir 2.000 alþjóðlegir nemar.

Við Háskóla Íslands starfa yfir 1.800 manns. Skólinn leggur áherslu á að laða til sín fjölbreyttan hóp starfsfólks og stúdenta í alþjóðlegt fræðasamfélag þar sem akademískt frelsi, fagmennska, jafnrétti, fjölbreytileiki og inngilding eru í öndvegi. 36 stunda vinnuvika hefur verið innleidd í stjórnsýslustörfum skólans.

Nánar um Háskóla Íslands, fræðasvið hans og deildir