Sérfræðingur í landupplýsingum óskast á Akureyri

Húsnæðis-, mannvirkja- og skipulagsstofnun óskar eftir sérfræðingi í landupplýsingum í teymi fasteignaskrár sem staðsett eru á Akureyri.

Hlutverk teymisins er að halda utan um skráningu og afmörkun fasteigna á Íslandi ásamt því að þjónusta önnur svið HMS í greiningu og vinnslu landupplýsinga. Starfstöð er á skrifstofu HMS á Akureyri.

Þú færð tækifæri til að taka þátt í fjölbreyttum og áhugaverðum verkefnum ásamt því að leggja þitt af mörkum til samfélagsins.

• Kortlagning landmerkja jarða

• Viðhald og þróun staðfangaskrár

• Afmörkun og skráning fasteigna og viðhald landeignaskrár

• Landfræðileg greining í samvinnu við önnur svið HMS

• Kortagerð og landfræðileg miðlun upplýsinga

• Gæðaeftirlit gagna til að tryggja réttleika skráninga og landupplýsinga

• Þátttaka í viðhaldi og þróun skráningakerfa fasteignaskrár og miðlun upplýsinga

• Þjónusta við innri og ytri viðskiptavini

• Ýmis önnur verkefni sem til falla á sviðinu

• Háskólamenntun í landfræði

• Reynsla af vinnslu og meðferð landupplýsinga er kostur

• Þekking og reynsla af starfi innan opinberrar stjórnsýslu

• Skipulagshæfni, vönduð vinnubrögð, frumkvæði og sjálfstæði í starfi

• Lipurð í samskiptum og samstarfi, þjónustulund og jákvætt viðmót

• Færni í að tjá sig í ræðu og riti á íslensku og ensku

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsóknum skal fylgja ferilskrá og kynningarbréf þar sem gerð er grein fyrir ástæðu umsóknar og hæfni viðkomandi fyrir starfið.

Öllum umsóknum verður svarað þegar ákvörðun um ráðningu hefur verið tekin. Umsóknir geta gilt í hálft ár frá því að frestur rennur út.

Lögð er rík áhersla á fjölbreytni og við hvetjum alla áhugasama einstaklinga til að sækja um, óháð kyni og uppruna