Sérfræðingur í vatnamálum

Hafrannsóknastofnun leitar að sérfræðingi til starfa við verkefni sem snúa að ferskvatni, árósum og sjó í tengslum við stjórn vatnamála.

Hafrannsóknastofnun hefur rannsókna- og ráðgjafahlutverk í ýmsum verkefnum sem tengjast vatnamálum. Eitt af þeim verkefnum sem starfsmaðurinn mun sinna er LIFE Icewater (https://www.icewater-life.is/) sem Umhverfis- og orkustofnun leiðir en Hafrannsóknastofnun hefur þar veigamikið hlutverk. Einnig mun starfsmaðurinn sinna öðrum verkefnum á stofnuninni sem tengjast stjórn vatnamála.

Aðalviðfangsefni sérfræðingsins verða gagnasöfnun, úrvinnsla gagna og upplýsinga, skýrslugerð og önnur ráðgjafarvinna í tengslum við ferskvatn, árósa og sjó. Einnig er sérfræðingnum ætlað að meta ástand vatnshlota og taka þátt í vinnu við áframhaldandi innleiðingu kerfis um stjórn vatnamála á Íslandi.

Starfið er á umhverfissviði en verkefni vatnamála eru unnin þvert á fagsvið stofnunarinnar þar sem efnistök geta krafist fjölbreytta sérfræðiþekkingar og aðkomu annars sérhæfðs starfsfólks. Starfið kallar því á þverfaglega teymisvinnu innan stofnunar en einnig samstarf við aðrar stofnanir og fleiri hagaðila.

Lögð er áhersla á að ráða drífandi og lausnamiðaðan einstakling sem hefur góða færni í að vinna sjálfstætt og í teymi.

• Umsjón og þátttaka í verkefnum sem snúa að stjórn vatnamála á Íslandi.

• Þátttaka í þverfaglegum teymum sem vinna að úrlausnarefnum á sviði vatnamála.

• Öflun og úrvinnsla gagna um vatnshlot í sjó, ferskvatni og árósum.

• Gerð skýrslna, sérfræðiálita og annarra ráðgjafarskjala.

• Fræðsla og önnur miðlun.

• Þróun lausna við innleiðingu stjórnar vatnamála.

• Háskólamenntun sem nýtist í starfi, s.s. á sviði náttúrufræða, verkfræði eða í skyldum greinum

• Þekking á stjórn vatnamála er kostur.

• Góð skipulags- og samskiptafærni.

• Gott gagnalæsi og geta til að vinna úr gögnum.

• Lausnamiðað hugarfar og hæfni til að setja viðfangsefni í stærra samhengi.

• Góð almenn tölvukunnátta.

• Metnaður, frumkvæði og sjálfstæði í vinnubrögðum.

• Jákvætt viðmót, samstarfsvilji og hæfni til að vinna í teymi.

• Færni til að tjá sig í ræðu og riti á íslensku og ensku. Þekking á norðurlandamáli er kostur.

Laun samkvæmt gildandi kjarasamningi sem fjármála- og efnahagsráðherra og Félag íslenskra náttúrufræðinga hafa gert.

Umsókninni skal fylgja:

• Ítarleg ferilskrá

• Afrit af prófskírteinum (doktorspróf og/eða annað)

• Kynningarbréf þar sem fram kemur bakgrunnur umsækjenda og ástæða þess að sótt er um starfið.

• Nöfn tveggja meðmælenda ásamt samskiptaupplýsingum þeirra

Athugið:

• Ófullnægjandi umsóknir eru ekki teknar til greina.

• Hafrannsóknarstofnun áskilur sér rétt til að hafna öllum umsóknum.

• Umsókn getur gilt í sex mánuði eftir að umsóknarfresti lýkur.

• Öllum umsóknum verður svarað þegar ákvörðun um ráðningu liggur fyrir.

Við ráðningu í störf við Hafrannsóknastofnun er tekið mið af jafnréttisstefnu Hafrannsóknastofnunar.

Sótt er um í gegnum starfatorg og er öllum umsóknum svarað þegar ákvörðun um ráðningu liggur fyrir

Um stofnunina

Hafrannsóknastofnun, rannsókna- og ráðgjafarstofnun hafs og vatna, heyrir undir Atvinnuvegaráðuneytið og er stærsta rannsóknastofnun landsins á sviði hafs- og vatnarannsókna. Stofnunin gegnir auk þess ráðgjafahlutverki um sjálfbæra nýtingu og verndun auðlinda hafs og vatna. Starfsemin felst einkum í fjölbreyttum rannsóknum og ráðgjafastarfi sem oft felur í sér innlent og alþjóðlegt samstarf við háskóla eða aðrar rannsóknastofnanir.. Stofnunin rekur auk höfuðstöðvar í Hafnarfirði starfsstöðvar vítt og breytt um landið, tilraunaeldisstöð og tvö rannsóknaskip. Hjá stofnuninni starfa að jafnaði um 200 manns í fjölbreyttum störfum.

Gildi Hafrannsóknastofnunar eru: Þekking - Samvinna - Þor