Verkefnisstjóri á skrifstofu Hugvísindasviðs

Laust er til umsóknar fullt starf verkefnisstjóra í móttöku á skrifstofu Hugvísindasviðs Háskóla Íslands. Á skrifstofunni starfa 14 manns sem sinna fjölbreyttri stoðþjónustu við nemendur og starfsfólk sviðsins. Skrifstofan er miðstöð þjónustu og upplýsingagjafar fyrir Hugvísindasvið og lögð er áhersla á fagleg vinnubrögð og góðan starfsanda.

• Þjónusta við nemendur

• Þjónusta við starfsfólk Hugvísindasviðs

• Skjalavarsla

• Svörun fyrirspurna og almenn upplýsingagjöf

• Innkaup og umsjón með rekstrarvörum

• Umsýsla prófa og einkunna

• Aðstoð við deildarstjóra Hugvísindasviðs

• Háskólapróf sem nýtist í starfi

• Reynsla af sambærilegum störfum er æskileg

• Þekking á starfsumhverfi háskóla er kostur

• Góð íslensku- og enskukunnátta í ræðu og riti

• Góð samskiptahæfni og rík þjónustulund

• Góð þekking á Microsoft Office 365 og áhugi á að tileinka sér nýja tækniþekkingu

• Frumkvæði, metnaður og sjálfstæði í störfum, ásamt sveigjanleika

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Æskilegt er að viðkomandi geti hafið störf 1.ágúst n.k.

Eftirfarandi gögn skulu fylgja umsókn:

• Ferilskrá

• Kynningarbréf þar sem fjallað er um hvernig umsækjandi uppfyllir þær hæfnikröfur sem settar eru fram í auglýsingunni og hvað hann telur sig geta lagt af mörkum til starfsins

• Afrit af prófskírteinum

• Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans. Vakin er athygli á málstefnu Háskóla Íslands.

Háskóli Íslands hefur frá stofnun verið undirstaða atvinnulífs og framfara í íslensku samfélagi. HÍ er jafnframt framsækinn rannsóknarháskóli og virkur þátttakandi í alþjóðlegu vísindasamstarfi.

Háskóli Íslands er stærsti háskóli landsins og býður upp á hátt í 400 námsleiðir á grunn-, meistara- og doktorsstigi. Um 14.000 nemendur stunda nám við skólann, þar af yfir 2.000 alþjóðlegir nemar.

Við Háskóla Íslands starfa yfir 1.800 manns. Skólinn leggur áherslu á að laða til sín fjölbreyttan hóp starfsfólks og stúdenta í alþjóðlegt fræðasamfélag þar sem akademískt frelsi, fagmennska, jafnrétti, fjölbreytileiki og inngilding eru í öndvegi. 36 stunda vinnuvika hefur verið innleidd í stjórnsýslustörfum skólans.

Nánar um Háskóla Íslands, fræðasvið hans og deildir