Náms- og starfsráðgjafi

Laust er til umsóknar fullt starf náms- og starfsráðgjafa við Nemendaráðgjöf Háskólans á Akureyri.

Háskólinn á Akureyri leggur metnað sinn í að vera nútímaháskóli með nútímaaðferðir í kennslu og ráðgjöf. Í HA er allt nám í sveigjanlegu námsumhverfi og stoðþjónusta miðuð að stúdentum óháð búsetu. Nemendaráðgjöf heyrir undir náms- og kennsluþjónustu Háskólans á Akureyri. Næsti yfirmaður er forstöðumaður Nemendaráðgjafar. Starfsstöðin er á háskólasvæðinu á Akureyri.

Starfið er tímabundið til eins árs. Æskilegt er að viðkomandi geti hafið störf í byrjun ágúst.

• Náms- og starfsráðgjöf fyrir háskólastúdenta og umsækjendur

• Stuðningur við nemendur, einstaklings- og hópráðgjöf

• Umsjón og fræðsla á námskeiðum, fyrirlestrum, vinnustofum og kynningum á vegum nemendaráðgjafar

• Umsjón og þjónusta vegna úrræða í námi

• Samstarf við starfseiningar innan HA, aðrar menntastofnanir og fagaðila

• MA próf á sviði náms- og starfsráðgjafar og leyfisbréf sem náms- og starfsráðgjafi

• Reynsla af náms- og starfsráðgjöf, reynsla af háskólaumhverfi kostur

• Framúrskarandi hæfni í mannlegum samskiptum

• Hæfni í að koma fram og halda kynningar og námskeið

• Frumkvæði, sveigjanleiki og sjálfstæði í starfi

• Þekking og áhugi á nýjungum í náms- og starfsráðgjöf

• Reynsla af gerð námskeiða og námskeiðshald í náms- og starfsráðgjöf er kostur

• Réttindi til að leggja fyrir áhugasviðskönnunina Bendil er kostur

• Góð íslensku- og enskukunnátta

• Góð almenn tölvukunnátta

Umsókn skal fylgja:

• Greinargott yfirlit yfir náms- og starfsferil

• Staðfest afrit af viðeigandi prófskírteinum

• Kynningarbréf þar sem gerð er grein fyrir ástæðu umsóknar og hæfni umsækjanda

• Nöfn að minnsta kosti tveggja meðmælenda

Laun samkvæmt gildandi kjarasamningi sem fjármála- og efnahagsráðherra og Félag háskólakennara á Akureyri hafa gert.

Öllum umsóknum verður svarað þegar ákvörðun um ráðningu hefur verið tekin. Umsókn getur gilt í sex mánuði eftir að umsóknarfresti lýkur, sbr. 2. gr. reglna nr. 464/1996. Háskólinn á Akureyri áskilur sér rétt til að hafna öllum umsóknum. Háskólinn á Akureyri stuðlar að jafnrétti kynjanna og hvetur öll kyn til að sækja um laus störf. Við ráðningu í störf við Háskólann á Akureyri er tekið mið af jafnréttisáætlun háskólans og tekið er tillit til þarfar einingarinnar við ráðningu.