Brennur þú fyrir sjálfbæra nýtingu, vernd og endurheimt vistkerfa?

Umhverfis-, orku- og loftslagsráðuneytið leitar að sérfræðingi með mikinn áhuga á velferð íslenskrar náttúru til þess að starfa með hópi sérfræðinga á skrifstofu náttúru- og minjaverndar hjá ráðuneytinu.Um er að ræða stöðu sérfræðings á sviði verndar og endurheimtar vistkerfa og sjálfbærrar auðlindanýtingar sem kemur til með að vinna að þeim málaflokki í æðstu stjórnsýslu landsins.

Starfið felur í sér krefjandi og metnaðarfull verkefni sem snúa að málefnum endurheimtar vistkerfa, auðlindanýtingar og líffræðilegrar fjölbreytni og eru framkvæmd í samstarfi við hag- og fagaðila og eftir stefnu ríkisstjórnar og áherslum ráðherra. Viðkomandi kemur til með leiða verkefni og taka þátt í stefnumótun sem og alþjóðlegu starfi á starfssviði skrifstofunnar.

• Yfirumsjón með málefnum endurheimtar vistkerfa

• Leiða verkefni sem snúa að samspili auðlindanýtingar, loftslagsmála og líffræðilegrar fjölbreytni.

• Leiða verkefni sem snúa að endurheimt vistkerfa á landi og í hafi

• Vinna að verkefnum sem snúa að virkri stjórn og vernd vistkerfa.

• Stefnumótun og eftirfylgni verkefna á starfssviði skrifstofunnar

• Þátttaka í alþjóðlegu starfi á starfssviði skrifstofunnar

• Samstarf við önnur ráðuneyti og stofnanir.

• Framhaldsmenntun á háskólastigi sem nýtist í starfi (auðlindir, vistfræði, sjálfbær nýting t.d. )

• Reynsla af stefnumótun og eftirfylgni.

• Geta til að leiða verkefni

• Reynsla á sviði opinberrar stjórnsýslu er kostur

• Góð stafræn hæfni

• Frumkvæði og sjálfstæði í starfi

• Mjög góð samskipta- og samvinnufærni

• Mjög góð færni í íslensku bæði í töluðu og rituðu máli.

• Góð enskukunnátta

Laun samkvæmt gildandi kjarasamningi sem fjármála- og efnahagsráðherra og Félag háskólamenntaðra starfsmanna Stjórnarráðsins hafa gert.

Í boði er áhugavert starf á skemmtilegum vinnustað þar sem starfa um 50 manns.

Umsókn um starfið þarf að fylgja ítarleg starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið. Umsóknir geta gilt í sex mánuði frá birtingu auglýsingar, sbr. reglur nr. 1000/2019 um auglýsingar lausra starfa.