Fjármálastjóri við Fjölbrautaskóla Norðurlands vestra

Fjölbrautaskóli Norðurlands vestra óskar eftir að ráða fjármálastjóra til starfa frá og með 1. september 2026. Leitað er að einstaklingi sem vill takast á við krefjandi starf í fjölbreyttum og metnaðarfullum skóla. Fjölbrautaskóli Norðurlands vestra er framhaldsskóli sem byggir á áfangakerfi, við skólann starfa rúmlega 70 starfsmenn og nemendur eru að jafnaði 750-850.

Fjármálastjóri annast og ber ábyrgð á fjárreiðum, bókhaldi, launabókhaldi, greiðslu reikninga og innheimtu skólans og þeirra deilda sem eru reknar á ábyrgð hans

Fjármálastjóri ber ábyrgð á ætlanagerð og fjárhagslegri skýrslugerð, afstemmingum og uppgjöri

Fjármálastjóri ber ábyrgð á vörslu gagna sem tengjast bókhaldi FNV

Fjármálastjóri starfar náið með stjórnendum skólans

Háskólapróf í viðskiptafræði eða sambærileg menntun sem nýtist í starfi

Reynsla af bókhaldsstörfum nauðsynleg

Góð þekking á reikningshaldi og áætlanagerð

Mjög góð íslensku- og enskukunnátta, bæði í ræðu og riti, ásamt góðri tölvukunnáttu og reynslu í notkun bókhaldsforrita

Skipulagshæfni, frumkvæði, árvekni, sjálfstæð og öguð vinnubrögð, góðir samskiptahæfileikar og þjónustulund

Hreint sakavottorð, skv. 4. mgr. 8. gr. laga um framhaldsskóla nr. 92/2008.

Laun samkvæmt gildandi kjarasamningi sem fjármála- og efnahagsráðherra og Kjölur hafa gert.

Fjölbrautaskóli Norðurlands vestra er metnaðarfullur og framsækinn skóli sem býður upp á afar fjölbreytt nám, bóknám, verknám og fjarnám, nám á hestabraut, kvikmyndabraut og starfsbraut sem og íþróttaakademíu í hinum ýmsu íþóttagreinum. Við skólann er heimavist og sömuleiðis er boðið upp á helgarnám í iðngreinum. Skólinn starfar undir kjörorðunum vinnusemi, virðing og vellíðan. Í skólanum starfar öflugur og samheldinn hópur starfsfólks sem hefur fagmennsku að leiðarljósi.