Þjónustu- og skjalafulltrúi

Flensborgarskólinn í Hafnarfirði auglýsir stöðu þjónustu- og skjalafulltrúa, frá og með 1. ágúst 2026.

Við leitum að jákvæðum og lausnamiðuðum einstaklingi sem hefur góða skipulagshæfni og getur unnið sjálfstætt og af öryggi í síbreytilegu umhverfi.

Um 50% starf er að ræða.

Flensborgarskólinn er heilsueflandi framhaldsskóli í Hafnarfirði og leggur áherslu á framsækni og metnað í námi, farsæld nemenda og starfsþróun starfsfólks. Framtíðarsýn skólans má sjá í stefnu hans og er þar m.a. lögð áhersla á framsækni og metnað í skólastarfi auk vellíðunar og farsældar nemenda og starfsfólks. Á heimasíðunni www.flensborg.is er að finna ýmsar upplýsingar um skólann og starfsemi hans.

• Innleiðing verkferla við skjalvörslu og umsjón með skjalakerfi skólans

• Almenn þjónusta á bókasafni

• Stuðningur og aðstoð á álagstímum á skrifstofu skólans

• Önnur tilfallandi verkefni

Leitað er að einstaklingi sem hefur áhuga á fjölbreyttu starfi, er skipulagður, fær í samskiptum og fellur vel að aðstæðum og þörfum skólans.

Hæfniskröfur:

• Háskólamenntun í upplýsingafræði eða önnur menntun sem nýtist í starfi

• Þekking og reynsla af skjalastjórnun

• Góð íslenskukunnátta í máli og riti

• Faglegur metnaður, skipulagshæfni og sjálfstæði

• Góð samskiptafærni og rík þjónustulund

• Áhugi á þjónustu og umbótum í starfi

• Góð tölvukunnátta, svo sem í Office umhverfi og öðrum kerfum

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Umsóknum skal skilað rafrænt í gegnum Starfatorg (www.starfatorg.is)

Eftirfarandi gögn skulu fylgja umsókn:

• Kynningarbréf með rökstuðningi fyrir hæfni og sýn á starfið

• Náms- og starfsferilsskrá

• Afrit af prófskírteinum

• Upplýsingar um umsagnaraðila sem hafa má samband við

Öllum umsóknum verður svarað þegar ákvörðun um ráðningu hefur verið tekin. Við ráðningar er tekið mið af jafnréttisstefnu Flensborgarskólans og eru öll kyn hvött til að sækja um starfið.