Doktorsnemi í tæknilegri jarðskjálftafræði og jarðskjálftaverkfræði

Laust er til umsóknar fullt starf doktorsnema í tæknilegri jarðskjálftafræði (e. engineering seismology) og jarðskjálftaverkfræði (e. earthquake engineering) við Umhverfis- og byggingarverkfræðideild Verkfræði- og náttúruvísindasviðs Háskóla Íslands. Rannsóknarverkefnið hefur hlotið þriggja ára styrk frá Rannsóknasjóði Rannsóknarmiðstöðvar Íslands (Rannís).

Verkefnið ber heitið: Ný jarðskjálftavárkort fyrir Suðvesturland: Aðferðir til að meta og miðla óvissu í skjálftavá (EQSIGMA). Rannsóknarverkefnið er samstarfsverkefni Veðurstofu Íslands og Háskóla Íslands. Starfsaðstaða verður við Umhverfis- og byggingarverkfræðideild Háskóla Íslands og á Veðurstofu Íslands. Doktorsneminn verður hluti af öflugu og virku rannsóknarumhverfi hjá Veðurstofu Íslands og Háskóla Íslands og alþjóðlegum samstarfsaðilum, þar sem tengsl verða milli grunnrannsókna og beinnar hagnýtingar, m.a. í símati á skjálftavá og miðlun niðurstaðna til almennings og hagaðila. Meðal annars býðst doktorsnemanum möguleikar á að dvelja að hluta við rannsóknir hjá samstarfsaðilum s.s. Háskólanum í Granada, Spáni, með áherslu á vélrænt nám, og GFZ, þýsku jarðvísindamiðstöðvarinnar, með áherslu á líkanagerð jarðskjálftahreyfinga og greiningu á skjálftavárlíkindum.

Verkefnisstjórar eru Dr. Milad Kowsari, sérfræðingur við Veðurstofu Íslands og Háskóla Íslands, og Dr. Benedikt Halldórsson, fagstjóri jarðskjálftavár hjá Veðurstofu Íslands og rannsóknaprófessor við Háskóla Íslands.

Doktorsneminn mun stunda grunnrannsóknir á sviði tæknilegrar jarðskjálftafræði og jarðskjálftaverkfræði, með áherslu á:

• Mat og framsetningu óvissu í líkindagreiningu jarðskjálftavár (PSHA)

• Notkun háþróaðra eðlisfræðilegra reiknilíkana fyrir yfirborðshreyfingar af völdum jarðskjálfta og notkun vélarnáms við skjótt mat og framsetningu áhrifakorta

• Meistarapróf á sviði jarðskjálftafræði, byggingarverkfræði, jarðeðlisfræði eða skyldum greinum. Meistaragráðu skal vera lokið þegar starf hefst.

• Reynsla af sambærilegum verkefnum tengt skjálftavárgreiningu, líkanagerð jarðskjálftahreyfinga, vélarnámi, bayesískri tölfræði eða óvissumati er æskileg.

• Góð greiningarhæfni og forritunargeta

• Gott vald á ensku, bæði í rituðu og töluðu máli

• Góð samstarfs- og samskiptahæfni

• Frumkvæði og sjálfstæði í vinnubrögðum og hæfni til að starfa í teymi

Ráðning er háð því að umsækjandi sæki formlega um doktorsnám við Umhverfis- og byggingarverkfræðideild Háskóla Íslands og að umsóknin sé samþykkt af deild.

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Gert er ráð fyrir að starf hefjist í fyrsta lagi 1. september 2026, eða samkvæmt nánara samkomulagi.

Eftirfarandi gögn skulu fylgja umsókn:

• Ferilskrá

• Kynningarbréf þar sem fjallað er um hvernig umsækjandi uppfyllir þær hæfnikröfur sem settar eru fram í auglýsingunni og hvað hann telur sig geta lagt af mörkum til starfsins (hámark 2 bls)

• Afrit af prófskírteinum og námsyfirlit með einkunnum (BS og MS gráður, eða sambærilegt, eða staðfesting frá leiðbeinanda um áætlaðan lokadag meistaraprófs).

• Umsækjandi má senda inn ritgerðir (BS og MS) og vísindagreinar á PDF formi.

• Upplýsingar um tvo umsagnaraðila.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans. Vakin er athygli á málstefnu Háskóla Íslands.

Háskóli Íslands hefur frá stofnun verið undirstaða atvinnulífs og framfara í íslensku samfélagi. HÍ er jafnframt framsækinn rannsóknarháskóli og virkur þátttakandi í alþjóðlegu vísindasamstarfi.

Háskóli Íslands er stærsti háskóli landsins og býður upp á hátt í 400 námsleiðir á grunn-, meistara- og doktorsstigi. Um 14.000 nemendur stunda nám við skólann, þar af yfir 2.000 alþjóðlegir nemar.

Við Háskóla Íslands starfa yfir 1.800 manns. Skólinn leggur áherslu á að laða til sín fjölbreyttan hóp starfsfólks og stúdenta í alþjóðlegt fræðasamfélag þar sem akademískt frelsi, fagmennska, jafnrétti, fjölbreytileiki og inngilding eru í öndvegi.

Nánar um Háskóla Íslands, fræðasvið hans og deildir