Flensborgarskólinn í Hafnarfirði leitar að öflugum kennara á starfsbraut

Flensborgarskólinn í Hafnarfirði auglýsir stöðu kennara með framhaldsnám í sérkennslufræðum fyrir skólaárið 2026-2027 lausa til umsóknar.

Við leitum að öflugum og drífandi einstaklingi sem er tilbúinn til að takast á við krefjandi verkefni við að stuðla að metnaðarfullu og framsæknu skólastarfi í samhentu teymi.

Um 100% starf er að ræða. Ráðið verður í starfið frá 1. ágúst 2026.

Flensborgarskólinn er heilsueflandi framhaldsskóli í Hafnarfirði og leggur áherslu á framsækni og metnað í námi, farsæld nemenda og starfsþróun kennara. Á heimasíðu skólans, www.flensborg.is, er að finna ýmsar upplýsingar um helstu stefnur skólans og áherslur í námi.

• Að annast og bera ábyrgð á kennslu í fjölbreyttum greinum á starfsbraut

• Undirbúningur kennslu, námsmat og faglegt samstarf

• Gerð kennsluáætlana og námsmats í samstarfi við aðra kennara

• Þróa kennsluhætti og námsmat út frá hugmyndafræði leiðsagnarnáms í samstarfi við aðra kennara brautarinnar

• Menntun og hæfni til sérkennslu á framhaldsskólastigi sem fullnægir kröfum laga nr. 95/2019

• Reynsla af einstaklingsmiðuðu námi og að kenna fjölbreyttum hópi er skilyrði

• Fjölbreyttur grunnur í kennslu verklegra greina er kostur

• Reynsla af kennslu eða vinnu með ungu fólki er kostur

• Faglegur metnaður, skipulagshæfni og ögun í vinnubrögðum

• Frumkvæði í starfi og jákvætt hugarfar

• Áreiðanleiki og stundvísi

• Góð samskiptahæfni og lipurð í mannlegum samskiptum er skilyrði

• Góð tölvufærni er skilyrði

Laun samkvæmt gildandi kjarasamningi sem fjármála- og efnahagsráðherra og Kennarasamband Íslands hafa gert.

Um er að ræða stöðu til eins árs með möguleika á framlengingu. Umsókn fylgi kynningarbréf, náms- og starfsferilsskrá ásamt afriti af prófskírteinum og leyfisbréfi kennara.

Í samræmi við jafnréttisáætlun skólans er fólk af öllum kynjum hvatt til að sækja um starfið.

Öllum umsóknum verður svarað þegar ákvörðun um ráðningu liggur fyrir.