Aðstoðardeildarstjóri hjúkrunar á almenna endurhæfingardeild aldraðra

Við leitum eftir framsæknum hjúkrunarfræðingi með brennandi áhuga á stjórnun, umbótavinnu og endurhæfingu aldraðra í starf aðstoðardeildarstjóra á almenna endurhæfingardeild aldraðra, L2 á Landakoti.

Á deildinni fer fram endurhæfing fyrir aldraða í kjölfari bráðra veikinda. Markmið endurhæfingar er að einstaklingar nái bættri hreyfigetu og geti sjálfstætt leyst af hendi sem flestar athafnir daglegs lífs.

Starfið felur í sér fjölbreytta hjúkrun og mikla teymisvinnu þar sem unnið er í góðu samstarfi við aðrar fagstéttir sem koma að meðferð og endurhæfingu sjúklinga innan og utan spítalans. Góður starfsandi er ríkjandi og tækifæri eru til að vaxa í starfi. Landakot er staðsett í rólegu og rótgrónu hverfi miðsvæðis í Reykjavík, andinn í húsinu er einstakur og nálægð við mannlíf miðborgarinnar er kostur eftir langa vinnudaga.

Hér er spennandi tækifæri fyrir hjúkrunarfræðing að fá reynslu í stjórnun en mikil gróska er á deildinni í gæða- og umbótaverkefnavinnu. Aðstoðardeildarstjóri er hluti af stjórnendateymi deildar og leysir deildarstjóra af í fjarveru hans.

Starfshlutfall er 100% og er starfið laust nú þegar eða samkvæmt nánara samkomulagi.

Ef frekari upplýsinga er óskað má endilega hringja eða senda tölvupóst til Heiðu Bjarkar, deildarstjóra og meira en velkomið að koma í heimsókn og skoða aðstæður á okkar góða vinnustað.

• Vinnur í samráði við hjúkrunardeildarstjóra að skipulagningu á starfsemi deildar

• Ber ábyrgð á verkefnum sem hjúkrunardeildarstjóri felur honum samkvæmt sérstakri verkefnalýsingu

• Er leiðandi í klínísku starfi, öryggis- og gæðastarfi og öðru umbótastarfi sem stuðlar að bættri þjónustu og framþróun í hjúkrun

• Ber ábyrgð á starfsemi, mönnun og rekstri deildar í fjarveru og í samráði við hjúkrunardeildarstjóra

• Er ábyrgur fyrir skipulagningu og framkvæmd hjúkrunar í fjarveru hjúkrunardeildarstjóra

• Vinnur náið með stjórnendateyminu að mótun góðs vinnuanda og liðsheildar

• Íslenskt hjúkrunarleyfi

• Starfsreynsla sem hjúkrunarfræðingur

• Stjórnunarþekking og leiðtogahæfni

• Jákvætt viðmót og framúrskarandi samskiptahæfni

• Sjálfstæð, skipulögð, vönduð og öguð vinnubrögð

• Þekking á þjónustuþáttum Landspítala er kostur

• Þekking á verkefnastjórnun og umbótastarfi er kostur

• Góð íslenskukunnátta

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Stjórnun, hjúkrunarfræðingur, aðstoðardeildarstjóri, endurhæfing, hjúkrun

Tungumálahæfni, íslenska 4/5

Staðsetning: Túngata, 108 Reykjavík