Lögfræðingur hjá Mannréttindastofnun Íslands

Mannréttindastofnun Íslands auglýsir lausa til umsóknar stöðu lögfræðings hjá stofnuninni.

Mannréttindastofnun Íslands starfar samkvæmt lögum nr. 88/2024 en hlutverk stofnunarinnar er að efla og vernda mannréttindi á Íslandi eins og þau eru skilgreind í stjórnarskrá, lögum, alþjóðasamningum og öðrum alþjóðlegum skuldbindingum.

Mannréttindastofnun Íslands er sjálfstæð í störfum sínum og óháð fyrirmælum frá öðrum, þ.m.t. Alþingi. Stofnuninni er ætlað að vinna að því að allir, bæði opinberir aðilar og einkaaðilar, virði mannréttindi.

Leitað er að lögfræðingi til að koma að ýmsum lögfræðilegum verkefnum á starfssviði Mannréttindastofnunar.

Stofnunin sinnir meðal annars mannréttindaeftirliti, ráðgjöf og fræðslu, auk þess sem henni ber að leiðbeina öllum sem til hennar leita. Þá skrifar stofnunin skýrslur til alþjóðlegra eftirlitsaðila og umsagnir um ýmis mál sem varða mannréttindi. Stofnunin sinnir einnig réttindagæslu fyrir fatlað fólk. Nánar er fjallað um hlutverk stofnunarinnar í 2. gr. laga nr. 88/2024.

• Embættis- eða meistarapróf í lögfræði

• Áhugi og þekking á mannréttindum, þar á meðal á þeim mannréttindasamningum sem Ísland er aðili að

• Frumkvæði og sjálfstæð vinnubrögð

• Sveigjanleiki, jákvætt viðhorf og hugarfar grósku

• Mjög góð samskiptahæfni

• Góð tölvukunnátta

• Mjög gott vald á íslensku og færni til að sjá sig í ræðu og riti

• Góð enskukunnátta og færni til að tjá sig í ræðu og riti

• Hreint sakavottorð

Laun samkvæmt gildandi kjarasamningi sem forseti Alþingis og Félag starfsmanna Alþingis hafa gert.

Með umsókn skal fylgja ítarleg starfsferilskrá og kynningarbréf þar sem gerð er grein fyrir ástæðu umsóknar og hvernig viðkomandi uppfyllir þær hæfniskröfur sem gerðar eru. Umsókn gildir í sex mánuði frá því að umsóknarfrestur rennur út. Öllum umsóknum verður svarað þegar ákvörðun um ráðningu liggur fyrir.

Öll sem hafa áhuga eru hvött til að sækja um en við ráðningu verður tekið mið af lögum um jafna meðferð á vinnumarkaði nr. 86/2018 og lögum um jafna stöðu og jafnan rétt kynjanna nr. 150/2020.