Aðjúnkt við Iðjuþjálfunarfræðideild

Laust er til umsóknar hálft starf (50%) aðjúnkts við Iðjuþjálfunarfræðideild.

Við leitum að öflugum einstaklingi með góða innsýn í samspil fólks, iðju og umhverfis. Viðkomandi þarf að hafa þekkingu á endurhæfingu og leiðum til að efla heilsu og velferð í nútíma samfélagi. Einnig þarf viðkomandi að hafa þekkingu á efnislegu, stjórnsýslulegu og samfélagslegu umhverfi og áhrif þess á heilsu, velferð og möguleika fólks til þátttöku í samfélaginu.

Starfið felur í sér kennslu, rannsóknir og stjórnun. Næsti yfirmaður er forseti Iðjuþjálfunarfræðideildar. Starfsvettvangur er Háskólinn á Akureyri. Staðan er veitt frá 1. júlí 2026 eða eftir samkomulagi.

Háskólinn á Akureyri er eini háskólinn á Íslandi sem býður upp á nám í iðjuþjálfunarfræði. Til að fá starfsréttindi sem iðjuþjálfi er nauðsynlegt að ljúka BS-prófi í iðjuþjálfunarfræði ásamt meistaranámi sem að miklu leyti er verklegt og fer fram að hluta til í fjölbreytilegu starfsumhverfi iðjuþjálfa.

• Meistarapróf sem nýtist í starfi er krafa.

• Reynsla af háskólakennslu er krafa.

• Íslenskt starfsleyfi iðjuþjálfa er krafa.

• Reynsla af starfi innan endurhæfingar.

• Góð samstarfshæfni, lipurð í mannlegum samskiptum ásamt góðri færni í að miðla þekkingu og að vinna í teymi.

• Gott vald á íslensku og ensku, jafnt töluðu sem rituðu máli.

Umsókn skal fylgja:

• Ítarleg ferilskrá.

• Staðfest afrit af prófskírteinum á íslensku eða ensku.

• Kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið.

• Tilnefna skal a.m.k. tvo meðmælendur og er æskilegt að einn þeirra sé næsti yfirmaður í núverandi eða fyrra starfi umsækjanda.

Við ráðningu verður miðað við, að sá er starfið hlýtur falli sem best að aðstæðum og þörfum Iðjuþjálfunarfræðideildar Háskólans á Akureyri.

Laun samkvæmt gildandi kjarasamningi sem fjármála- og efnahagsráðherra og Félag háskólakennara á Akureyri hafa gert.

Háskólinn á Akureyri hvetur öll kyn til þess að sækja um.

Meðferð umsókna, mat á hæfi umsækjenda og ráðning í starfið er í samræmi við ákvæði laga um háskóla nr. 63/2006, laga um opinbera háskóla nr. 85/2008 með síðari breytingum, og reglur fyrir Háskólann á Akureyri nr. 694/2022. Ófullnægjandi umsóknir eru ekki teknar til greina. Öllum umsóknum verður svarað þegar ákvörðun um ráðningu í starfið hefur verið tekin. Háskólinn á Akureyri áskilur sér rétt til að hafna öllum umsóknum. Umsókn getur gilt í sex mánuði eftir að umsóknarfresti lýkur.