Hjúkrunarfræðingur á lyflækningadeild

Hjúkrunarfræðingur óskast til starfa á lyflækningadeild B7 í Fossvogi.

Við sækjumst bæði eftir hjúkrunarfræðingi sem býr yfir þekkingu og reynslu sem og nýútskrifuðum hjúkrunarfræðingi. Í boði er einstaklingsbundin aðlögun undir leiðsögn reyndra hjúkrunarfræðinga. Upphaf starfa sem og starfshlutfall er samkomulag.

Deildin er 18 rúma bráðalegudeild almennra lyflækninga. Þar starfa um 70 einstaklingar í þverfaglegu teymi. Góður starfsandi er ríkjandi sem einkennist af vinnugleði og metnaði og markvisst er unnið að umbótum og framþróun.

Landspítali styður nýútskrifaða hjúkrunarfræðinga í starfi með markvissri handleiðslu og fræðslu, samhliða starfi í formi starfsþróunarárs Landspítala. Áhugasömum er velkomið að hafa samband við Rut, deildarstjóra.

• Almenn hjúkrun sjúklinga deildar

• Skipuleggja hjúkrun sjúklinga og skrá meðferðir í samræmi við reglur spítalans

• Fylgjast með nýjungum í faginu

• Þátttaka í þverfaglegri teymisvinnu

• Þátttaka í þróun og umbótum í starfsemi deildarinnar

• Íslenskt hjúkrunarleyfi

• Faglegur metnaður

• Góð samskiptahæfni, jákvætt viðhorf og frumkvæði

• Sjálfstæði í vinnubrögðum sem og færni til að starfa í teymi

• Góð íslenskukunnátta áskilin

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, hjúkrunarfræðingur, hjúkrun

Tungumálahæfni: íslenska 4/5

Staðsetning: Fossvogur, 108 Reykjavík