Námsstaða ljósmóður í fósturgreiningu

Laus er til umsóknar námsstaða ljósmóður í fósturgreiningu á meðgönguvernd, fósturgreiningu og bráðaþjónustu kvennadeilda. Staðan er til eins árs og miðað er við 80-100% starfshlutfall. Ráðið verður í stöðuna frá 1. september 2026.

Kennsla og aðlögun fer fram á deildinni sem og með námskeiðum erlendis frá. Gert er ráð fyrir að það taki eitt ár í 100% starfi að fá réttindi til að framkvæma fósturgreiningar.

Eftir að formlegri námsstöðu lýkur er gert ráð fyrir a.m.k. einu ári í starfi á fósturgreiningardeild þar sem nauðsynleg viðbótarmenntun og þjálfun fer fram. Ljósmóðir vinnur þá sjálfstætt en með stuðningi eftir þörfum. Að þessu starfsári loknu telst ljósmóðir fullnuma í fósturgreiningu. Athugið að sækja þarf sérstaklega um stöðu á deildinni eftir að fyrsta námsári lýkur.

Ljósmæður deildarinnar sinna fósturgreiningu hjá konum á meðgöngu. Náið samstarf er á milli ljósmæðra og lækna á deildinni.

Starf fósturgreinandi ljósmóður er líkamlega krefjandi og skjánotkun er mikil og stöðug. Fjöldi koma í fósturgreiningu eru í kringum 11-12 þúsund á ári hverju. Starfsemi deildarinnar felst í þjónustu við konur og fjölskyldur þeirra á meðgöngu.

• Fósturgreining

• Ýmis þróunarverkefni í ljósmóðurfræði

• Önnur verkefni

• Íslenskt ljósmóðurleyfi

• Íslenskt hjúkrunarleyfi er kostur

• Reynsla af ljósmæðrastörfum er kostur

• Sjálfstæði í vinnubrögðum og hæfni til að vinna í teymi

• Góð samskiptahæfni og jákvætt viðhorf

• Faglegur metnaður og frumkvæði í starfi

• Góð íslenskukunnátta

Laun samkvæmt gildandi kjarasamningi sem fjármála- og efnahagsráðherra og Ljósmæðrafélag Íslands hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, Ljósmóðir

Tungumálakunnátta: Íslenska 4/5

Staðsetning: Hringbraut, 101 Reykjavík