Starf í þjónustumiðstöð heilbrigðis- og upplýsingatækni

Við leitum að lausnamiðuðum og jákvæðum einstaklingi með ríka þjónustulund í teymið okkar. Hlutverk teymisins er að veita öðru starfsfólki spítalans þjónustu á sviði heilbrigðis- og upplýsingatækni. Við aðstoðum notendur í gegnum síma, leysum mál á vettvangi, ráðleggjum með búnað, veitum aðgang að kerfum og grúskum í flóknum málum sem upp koma.

Verkefnin eru fjölbreytt og krefjandi enda rekur Landspítali eitt stærsta og flóknasta tækniumhverfi landsins. Starfshlutfall er 100% og um dagvinnutíma er að ræða. Æskilegt er að viðkomandi getið hafið störf sem fyrst eða samkvæmt samkomulagi.

Hjá þjónustumiðstöð starfa 37 einstaklingar, en deildin er hluti af þróunarsviði sem ber ábyrgð á tölvubúnaði og tölvukerfum spítalans ásamt öllum lækningatækjabúnaði.Hlutverk þróunarsviðs er að styðja sem best við starfsemi spítalans með tæknilausnum og leiða stafræn framþróunarverkefni sem miða að hærra þjónustustigi og aukinni skilvirkni.

• Tækni- og notendaþjónusta í síma og á vettvangi

• Greining og úrlausn erinda í beiðnakerfum

• Þátttaka í innra umbótastarfi og tilfallandi verkefnum

• Þjónustulund og færni í mannlegum samskiptum

• Greiningarhæfni, sjálfstæð og lausnarmiðuð vinnubrögð

• Mjög góð almenn tölvukunnátta er nauðsynleg

• Þekking á Microsoft umhverfi

• Menntun sem nýtist í starfi er kostur

• Reynsla af sambærilegum störfum er kostur

• Gott vald á íslensku og ensku

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn skal fylgja náms- og starfsferilskrá, kynningarbréf, afrit af prófskírteinum og starfsleyfi, eftir því sem við á. Fylgiskjöl skulu vera á PDF-formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklinga starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, tölvunarfræðingur, kerfisfræðingur

Tungumálahæfni: íslenska 5/5, enska 3/5

Staðsetning: Skaftahlíð 24, 105 Reykjavík