Sjúkraliði á rannsóknarstofu HSU í Vestmannaeyjum

Heilbrigðisstofnun Suðurlands óskar eftir að ráða lausnamiðaðan, drífandi og jákvæðan sjúkraliða í fjölbreytt starf á Rannsóknarstofu HSU í Vestmannaeyjum. Um er að ræða nýtt starf sem viðkomandi fær tækifæri til að taka þátt í að móta. Starfið innfelur meðal annars blóðtökur og frágang sýna auk annarra tilfallandi verkefna. Unnið er í teymi með lífeindafræðingum sem starfa á rannsóknarstofu auk starfsfólks heilsugæslunnar í Vestmannaeyjum.

• Blóðtökur, móttaka og frágangur sýna inni á rannsóknarstofu HSU

• Tölvuvinna og fleiri tilfallandi verkefni inni á rannsóknarstofu HSU í Vestmannaeyjum

• Tilfallandi aðstoð á heilsugæslu

• Önnur störf sem falin eru af yfirmanni

• Sjúkraliðamenntun eða önnur heilbrigðismenntun sem nýtist í starfi er skilyrði

• Reynsla í blóðtökum er kostur

• Góð samskiptahæfni og jákvætt viðhorf

• Faglegur metnaður og ábyrgð í starfi

• Sjálfstæði, frumkvæði og lausnamiðuð nálgun

• Vilji til að vinna samkvæmt stefnum og gildum HSU

• Gott orðspor

• Góð íslenskukunnátta er skilyrði

• Mjög góð almenn tölvukunnátta er skilyrði

Laun samkvæmt gildandi kjarasamningi sem fjármála- og efnahagsráðherra og Sjúkraliðafélag Íslands hafa gert.

Starfshlutfall er 50%, vinnutíminn er fyrir hádegi virka daga.

Starfið er laust nú þegar eða eftir samkomulagi.

Þjónustusvæði HSU nær frá Þorlákshöfn í vestri til Hafnar í austri. Hlutverk HSU er að móta, þróa og útfæra heilbrigðisþjónustu í umdæminu og tryggja íbúum Suðurlands og öðrum þjónustuþegum jafnan aðgang að bestu heilbrigðisþjónustu sem völ er á hverju sinni. Þjónustumarkmið HSU byggja á gildum okkar um fagmennsku, virðingu og samvinnu. Velferð og þarfir þjónustuþega eru okkar leiðarljós.

Heilbrigðisstofnun Suðurlands er leiðandi afl í heilbrigðisþjónustu og hjá okkur færðu tækifæri til að vaxa. Við vinnum markvisst eftir skýrri stefnu, leggjum áherslu á nýsköpun og gefum þér svigrúm til að láta hugmyndir verða að veruleika. Hjá okkur hefur þú áhrif, færð að þróast í starfi og vinnur í umhverfi sem leggur áherslu á traust, gæði, öryggi og ábyrgan rekstur.