Ertu sérfræðingur í rafmagni?

Siglingasvið Samgöngustofu óskar eftir ráða einstakling í fjölbreytt og spennandi starf við yfirferð og mat á rafkerfum skipa. Við bjóðum upp á þjálfun, starfið hentar því jafnvel nýútskrifuðum sem og reynslumeiri einstaklingum sem vilja byggja upp þekkingu og reynslu á þessu sviði. Sérhæfing á sviði skipatækni býður upp á mikla möguleika til framtíðar á spennandi vettvangi.

• Yfirfara hönnun og útfærslu rafkerfa skipa með tilliti til reglna og staðla.

• Taka þátt í faglegum samskiptum við hönnuði, útgerðir og skoðunaraðila.

• Aðstoða við tæknilegt mat og þróa faglega þekkingu á sviði skipatækni.

• Aðstoð við úttektir á rafbúnaði skipa í samstarfi við aðra sérfræðinga.

• Þróun gæðakerfis skipadeildar í samstarfi við verkefnastjóra siglingasviðs.

• Menntun sem nýtist í starfi, t.d. verkfræði, tæknifræði, rafiðnfræði, rafvirkjun, vélfræði eða sambærilegt.

• Áhugi á tæknimálum og vilji til að læra og tileinka sér nýja þekkingu.

• Jákvæðni og góð samskiptafærni.

• Frumkvæði og góð skipulagshæfni.

• Gott vald á íslensku og ensku í rituðu og töluðu máli.

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Samgöngustofa fer með stjórnsýslu og eftirlit varðandi flug, siglingar, umferð, og öryggiseftirlit með samgöngumannvirkjum og leiðsögu. Í boði er spennandi starf hjá metnaðarfullri stofnun með öflugum mannauði, skýran samfélagslegan tilgang og framtíðarsýn. Lögð er áhersla á uppbyggingu faglegs starfsumhverfis, góða starfsaðstöðu og sveigjanleika í starfi.