Sérfræðingur í deild leyfisveitinga og ökunáms

Samgöngustofa leitar að öflugum einstaklingi í stöðu sérfræðings í leyfisveitingum í deild leyfisveitinga og ökunáms á umferðarsviði stofnunarinnar. Starfið tilheyrir þriggja manna leyfisveitinga- og undanþáguteymi. Í deildinni er unnið að þróun og uppbyggingu verkefna og stafvæðingu ferla. Við leitum að einstaklingi sem hefur áhuga á umferðaröryggismálum, stöðugum umbótum og er góður liðsmaður. Starfshlutfall er 100%. Um tímabundið starf til 12 mánaða er að ræða.

• Stjórnsýsla og utanumhald með leyfisveitingum fyrir bílaleigur, leigubílaakstur, farþega- og farmflutninga.

• Útgáfa undanþágu vegna stærðar og þyngdar ökutækja.

• Samskipti við hagsmunaaðila, aðstoð og upplýsingamiðlun.

• Skráning í skjalakerfi og frágangur gagna.

• Þátttaka í þróun og uppbyggingu verkefna, ferla og stafrænnar vegferðar

• Menntun og reynsla sem nýtist í starfi.

• Reynsla af sambærilegu starfi er kostur.

• Rík þjónustulund og færni í mannlegum samskiptum er skilyrði.

• Sjálfstæði, frumkvæði og metnaður í starfi.

• Góð almenn tölvukunnátta er skilyrði.

• Góð færni í íslensku og ensku í rituðu og mæltu máli.

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Öllum umsóknum skal fylgja ítarleg starfsferilsskrá og kynningarbréf. Í ráðningarferlinu verður óskað eftir að umsækjendur skili sakavottorði. Hafi umsækjandi verið fundinn sekur um refsiverða háttsemi getur það orðið til þess að viðkomandi telst ekki hæfur til að gegna starfi hjá stofnuninni. Öllum umsóknum verður svarað þegar ákvörðun um ráðningu hefur verið tekin. Umsóknir gilda í a.m.k. sex mánuði ef staða losnar á ný. Samgöngustofa áskilur sér rétt til að hafna öllum umsóknum. Samgöngustofa hvetur fólk óháð kyni, þjóðernisuppruna og fötlun til að sækja um.