Löggiltur endurskoðandi

Fjársýslan leggur áherslu á að skapa virði fyrir viðskiptavini og til að mæta auknum kröfum auglýsir Fjársýslan eftir löggiltum endurskoðanda með mikla þekkingu og reynslu af samstæðuuppgjörum til starfa.

Um framtíðarstarf er að ræða í fjölbreyttu og krefjandi umhverfi og felur starfið í sér mánaðar- og ársfjórðungsuppgjör ríkissjóðs og ársuppgjör ríkisaðila í A1-hluta, ráðgjöf til ríkisaðila sem snýr að áætlanagerð, bókhaldi og reikningsskilum auk annarra umbóta- og þróunarverkefna fjármálasviðs. Starfið er kjörið tækifæri fyrir einstakling sem vill takast á við faglegar áskoranir og taka þátt í að þróa reikningsskil ríkisins til framtíðar.

Fjársýsla ríkisins er þjónustu- og þekkingarstofnun á sviði opinberra fjármála og veitir stofnunin ríkisaðilum fjölbreytta, þjónustu og ráðgjöf í umfangsmiklu reikningsskilaumhverfi ríkisins.

• Mánaðar- og ársfjórðungsuppgjör ríkissjóðs og ársuppgjör ríkisaðila í A1-hluta.

• Samræming reikningsskila og bókhalds ríkisaðila.

• Ráðgjöf til ríkisaðila varðandi áætlanagerð.

• Ráðgjöf til ríkisaðila varðandi bókhald, reikningsskil samkvæmt alþjóðlegum reikningsskilastöðum fyrir opinbera aðila (IPSAS) og ráðgjöf við framkvæmd afstemminga.

• Vinna við gerð ríkisreiknings í samræmi við IPSAS.

• Umbóta- og þróunarverkefni.

• Önnur verkefni í samráði við yfirmann.

• Meistaragráða í endurskoðun og reikningsskilum sem viðurkennd er af endurskoðendaráði samkvæmt lögum um endurskoðendur og endurskoðun nr. 94/2019.

• Hefur staðist próf til löggildingar til endurskoðunarstarfa samkvæmt reglugerð 595/2020.

• Farsæl reynsla af samstæðuuppgjörum og uppgjörum stórra fyrirtækja.

• Þekking á alþjóðlegum reikningsskilastöðlum (IFRS/IPSAS).

• Góð greiningarhæfni.

• Góð þekking á Excel og upplýsingatækni.

• Reynsla af nýtingu gervigreindar er kostur.

• Góð kunnátta í íslensku og ensku.

• Góð samskiptahæfni, sjálfstæði og öguð vinnubrögð.

• Frumkvæði og lausnamiðuð nálgun.

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn þarf að fylgja ítarleg starfsferilskrá og kynningarbréf (hvort tveggja á íslensku) þar sem gerð er grein fyrir ástæðu umsóknar og hæfni umsækjanda til að gegna starfinu. Öllum umsóknum verður svarað að ráðningu lokinni.

Um 100% starf er að ræða og við ráðningu í starfið er farið eftir jafnréttisstefnu Fjársýslunnar.