Verkefnasafnsstjóri (e. portfolio manager) hjá Stafrænni heilsu

Stafræn heilsa er ný eining sem leiðir þróun stafrænnar heilbrigðisþjónustu á Íslandi og veitir framúrskarandi þjónustu við heilbrigðisstofnanir. Nú stendur yfir uppbygging einingarinnar og samhæfing stafrænnar þróunar á landsvísu, og leitað er að verkefnasafnsstjóra (e. portfolio manager) til að halda utan um yfirsýn yfir verkefni á landsvísu. Starfið heyrir undir forstöðumann Stafrænnar heilsu.

Hjá Stafrænni heilsu starfar fjölbreyttur hópur sérfræðinga á sviði upplýsinga- og heilbrigðistækni að margvíslegum og spennandi verkefnum.

Verkefnasafnsstjóri annast yfirumsjón stafrænna heilbrigðisverkefna á landsvísu, fylgist með framvindu þeirra og tryggir gagnsæi og rekjanleika í verkefnastýringu. Starfið felur m.a. í sér að þróa og reka miðlæga verkefnagátt, styðja verkefnastjóra í daglegum störfum með samræmdri aðferðafræði og útbúa stöðuyfirlit og greiningar sem nýtast við forgangsröðun og ákvarðanatöku. Áhersla er á samræmd vinnubrögð, skýra framsetningu upplýsinga og náið samstarf þvert á verkefni og stofnanir.

Um er að ræða lykilhlutverk í uppbyggingu nýrrar einingar þar sem verkefnastýring og yfirsýn á landsvísu eru í mótun. Verkefnin eru fjölbreytt og starfið krefst nákvæmni, frumkvæðis, útsjónarsemi og úrræðagetu til að halda utan um mörg verkefni samtímis í flóknu umhverfi. Verkefnasafnsstjóri starfar í nánu samstarfi við verkefnastjóra, forstöðumann og aðra sérfræðinga.

• Halda utan um, þróa og reka miðlæga, samtengda verkefnagátt einingarinnar.

• Tryggja yfirsýn yfir öll stafræn heilbrigðisverkefni á landsvísu, þ.m.t. framvindu, fjármögnun og tengsl milli verkefna.

• Styðja verkefnastjóra í daglegum störfum aðferðafræði verkefnastjórnunar.

• Vinna stöðuskýrslur, mælaborð og greiningar fyrir stjórnendur og til samráðs.

• Styðja við samræmda forgangsröðun verkefna í samvinnu við stjórnendur og hagaðila.

• Þróa og viðhalda verkferlum og aðferðafræði verkefnastjórnunar innan einingarinnar.

• Eiga samstarf við heilbrigðisstofnanir um skráningu og yfirsýn verkefna.

• Háskólamenntun sem nýtist í starfi, framhaldsmenntun er kostur.

• Reynsla af verkefnastjórnun og verkefnasafnsstýringu (e. portfolio management) er nauðsynleg.

• Þekking á aðferðafræði og verkfærum verkefnastjórnunar er nauðsynleg.

• Skipulögð og öguð vinnubrögð, nákvæmni og geta til að halda yfirsýn yfir mörg verkefni samtímis.

• Greiningarhæfni og hæfni til að setja flóknar upplýsingar fram á skýran og aðgengilegan hátt.

• Framúrskarandi samskipta- og samstarfshæfni.

• Þekking eða reynsla úr heilbrigðis- eða upplýsingatækni er kostur.

• Drifkraftur, frumkvæði og sjálfstæði í starfi.

• Gott vald á íslensku og færni til að tjá sig í ræðu og riti.

Laun samkvæmt gildandi kjarasamningi sem fjármála- og efnahagsráðherra og Félag háskólamenntaðra starfsmanna Stjórnarráðsins hafa gert.

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Um er að ræða áhugavert og fjölbreytt starf í krefjandi starfsumhverfi þar sem reynir á öguð vinnubrögð, ábyrgð og sjálfstæði.

Áhugasamir einstaklingar eru hvattir til að sækja um starfið óháð kyni. Með umsókn skal fylgja ítarleg starfsferilskrá, afrit af prófskírteinum og kynningarbréf þar sem gerð er grein fyrir ástæðum umsóknar og hvernig umsækjandi uppfyllir hæfniskröfur.

Öllum umsóknum verður svarað þegar ákvörðun um ráðningu liggur fyrir. Tekið skal fram að umsóknir geta gilt í sex mánuði frá því að umsóknarfrestur rennur út, sbr. reglur nr. 1000/2019 um auglýsingar á lausum störfum með síðari breytingum.

Ráðið verður í starfið frá 1. september 2026. Kostur er ef viðkomandi getur hafið störf sem fyrst.

Félag háskólamenntaðra starfsmanna Stjórnarráðsins Laun samkvæmt gildandi kjarasamningi sem fjármála- og efnahagsráðherra og Félag háskólamenntaðra starfsmanna Stjórnarráðsins hafa gert. is is