Hjúkrunarfræðingur á meðferðareiningu geð- og fíknisjúkdóma

Viltu starfa í öflugu teymi þar sem fagmennska, þróun og raunveruleg áhrif skipta máli?

Við leitum að hjúkrunarfræðingum sem vilja starfa við sérhæfða geð- og fíknihjúkrun þar sem áhersla er lögð á teymisvinnu, klíníska færni, batamiðaða þjónustu og stöðugar umbætur.

Á meðferðareiningunni starfar samhent þverfaglegt teymi sem sinnir einstaklingum með alvarlegan og samsettan geð- og vímuefnavanda. Starfið er fjölbreytt, krefjandi og gefandi og býður upp á einstök tækifæri til að þróa klíníska færni og sérhæfa sig í geð- og fíknihjúkrun.

Framundan eru spennandi breytingar og áframhaldandi uppbygging þjónustunnar sem skapa tækifæri fyrir hjúkrunarfræðinga til að taka þátt í þróun meðferðar, þjónustu og teymisvinnu.

Starfið hentar jafnt þeim sem eru að stíga sín fyrstu skref í hjúkrun og þeim sem búa yfir reynslu og vilja þróa sig áfram í sérhæfðu klínísku umhverfi með markvissri starfsaðlögun, faglegri leiðsögn og fjölbreyttum tækifærum til starfsþróunar.

Leitað er að hjúkrunarfræðingum í 50-100% starfshlutfall í dagvinnu eða vaktavinnu eftir samkomulagi. Upphafsdagur ráðningar er 15.ágúst 2026 eða eftir nánara samkomulagi.

Um meðferðareininguna

Undir meðferðareininguna heyra:

• bráðalegudeild geð- og fíknisjúkdóma

• göngudeild geð- og fíknisjúkdóma

• afeitrunardeild ólögráða ungmenna

• Teigur

Unnið er þvert á legu-, dag- og göngudeild sem veitir einstaka innsýn í bataferli skjólstæðinga og fjölbreytt tækifæri til klínískrar þróunar.

Við bjóðum meðal annars upp á

• öfluga teymisvinnu og faglegan stuðning

• markvissa og einstaklingshæfða starfsaðlögun

• faglega leiðsögn

• sérhæft starfsþróunarár fyrir hjúkrunarfræðinga

• tækifæri til sérhæfingar og þátttöku í umbótastarfi

• jákvætt og styðjandi starfsumhverfi

• Mat, skipulagning og framkvæmd hjúkrunarmeðferða

• Þátttaka í þverfaglegri teymisvinnu

• Meðferðarsamtöl, stuðningur og hvatning

• Samskipti við aðstandendur

• Þátttaka í umbótastarfi og þróun þjónustunnar

• Skráning og eftirfylgd meðferðar

Við leitum að hjúkrunarfræðingum sem hafa:

• íslenskt hjúkrunarleyfi

• áhuga á geð- og fíknihjúkrun

• áhuga á skaðaminnkun og batamiðaðri þjónustu

• búa yfir góðri samskiptafærni

• sýna faglegan metnað, frumkvæði og sjálfstæði í starfi

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, hjúkrunarfræðingur, hjúkrun, teymisvinna

Tungumálahæfni: íslenska 4/5, enska 3/5

Staðsetning: Hringbraut, 101 Reykjavík

Félag íslenskra hjúkrunarfræðinga Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert. is is