Tómstundafulltrúi - HSN Sauðárkrókur

Heilbrigðisstofnun Norðurlands (HSN) Sauðárkróki leitar að öflugum og áhugasömum einstaklingi í starf tómstundafulltrúa í 70% starfshlutfalli, með ráðningu frá og með 16. ágúst 2026 eða eftir samkomulagi. Um er að ræða fjölbreytt og krefjandi starf þar sem lögð er áhersla á skipulagningu og framkvæmd tómstundastarfs, eflingu vellíðanar og virkni skjólstæðinga í góðu samstarfi við samstarfsfólk, aðstandendur og aðra þjónustuaðila

Við Heilbrigðisstofnun Norðurlands á Sauðárkróki starfar samhentur hópur starfsfólks sem leggur sitt að mörkum til að þjónusta samfélagið á sem bestan hátt. Vinnustaðurinn leggur áherslu á að vera vinalegur, styðja starfsfólk sitt og mæta því á fjölbreyttan hátt.

Sauðárkrókur og Skagafjörður bjóða upp á framúrskarandi aðstæður til að samræma gefandi starf og gott líf utan vinnu, þar sem stutt er í náttúruna og samfélagið einkennist af samheldni og krafti. Þetta er kjörið tækifæri fyrir þann sem vill takast á við fjölbreytt og gefandi starf í jákvæðu og styðjandi umhverfi.

Hér er að finna frekari upplýsingar um HSN á Sauðárkróki HSN á Sauðárkróki: Fagmennska, samvinna og virðing í fyrirrúmi

• Skipulagning og framkvæmd tómstunda- og félagsstarfs fyrir þjónustuþega

• Efla virkni, þátttöku og vellíðan íbúa með fjölbreyttum verkefnum

• Einstaklingsmiðuð nálgun og þátttaka í daglegu lífi íbúa

• Samstarf við starfsfólk, aðstandendur og aðra fagaðila

• Þátttaka í þróun og eflingu tómstundastarfs innan einingar

• Önnur tilfallandi störf skv. beiðni næsta stjórnanda

• Menntun sem nýtist í starfi s.s. á sviði félagsvísinda, tómstunda- og félagsmálafræði, þroskaþjálfunar eða sambærileg menntun er æskileg

• Reynsla af tómstunda- eða umönnunarstarfi er kostur

• Íslenskukunnátta skilyrði

• Áhugi á að vinna með fólki og efla lífsgæði þess

• Frumkvæði og sjálfstæði í vinnubrögðum

• Frábær samskiptahæfni, jákvæðni og sveigjanleiki

• Faglegur metnaður og lausnamiðuð hugsun

• Gott orðspor og hreint sakavottorð

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Með umsókn skal fylgja ferilskrá á íslensku og kynningarbréf. Tekið er á móti rafrænum umsóknum á starfatorgi.is með því að smella á hlekkinn hér að neðan. Fólk af öllum kynjum er hvatt til að sækja um starfið. Öllum umsóknum verður svarað þegar ákvörðun um ráðningu hefur verið tekin

Tóbaksnotkun og notkun á rafsígarettum er ekki heimil á vinnutíma innan HSN

Gildi HSN eru: Fagmennska - Samvinna - Virðing

HSN vill vera framsækin stofnun, eftirsóknarverður vinnustaður og í fararbroddi í heilbrigðisþjónustu og heilbrigðismenntunar á landsbyggðinni. Hlutverk HSN er meðal annars að stuðla að heilbrigði íbúanna með því að veita faglega, samfellda og heildstæða heilbrigðisþjónustu.