Sjúkraflutningar - Seyðisfjörður

Heilbrigðisstofnun Austurlands (HSA) óskar eftir að ráða sjúkraflutningamann á starfsstöð HSA á Seyðisfirði til að sinna sjúkraflutningum í dagvinnu og bakvöktum. Um áhugavert og fjölbreytt starf er að ræða. Áhugasamir, konur jafnt sem karlar, eru hvattir til þess að sækja um starfið.

Að sinna sjúkraflutningum á dagvinnutíma. Samhliða mun viðkomandi vinna við önnur störf innan stofnunarinnar samkvæmt samkomulagi, menntun og færni umsækjanda, en ýmislegt getur komið til greina.

Viðkomandi þarf að hafa starfsleyfi sjúkraflutningamanns útgefið af Embætti Landlæknis. Neyðarflutingsréttindi er kostur og séu þau ekki til staðar þarf viðkomandi að vera reiðubúinn til að afla sér þeirra. Meirapróf er skilyrði. Gerð er krafa um gott líkamlegt og andlegt atgerfi. Mjög góð hæfni í mannlegum samskiptum er skilyrði. Lögð er áhersla á metnað í starfi, skipulögð vinnubrögð, jákvæðni og sveigjanleika. Íslenskukunnátta áskilin.

Laun samkvæmt gildandi kjarasamningi sem fjármála- og efnahagsráðherra og Landssamband slökkviliðs- og sjúkraflutningamanna hafa gert.

Umsóknum um auglýst störf skal skilað rafrænt til HSA . Öllum umsóknum verður svarað. Tekið er mið af jafnréttisstefnu HSA við ráðningar. Tóbaksnotkun er ekki heimil á vinnutíma innan HSA.HSA starfar á þremur fagsviðum; heilsugæslu-, hjúkrunar- og sjúkrasviði en alls eru starfsstöðvarnar fjórtán talsins. Áhersla er lögð á samvinnu þvert á byggðarlög. Stofnunin þjónar rúmlega 11.000 íbúum frá Djúpavogi til Bakkafjarðar, auk ferðamanna sem sækja Austurland heim. HSA vill byggja þjónustu sína á mannvirðingu, þekkingu og þverfaglegri samvinnu.