Sérfræðingur í styrktarsjóðum

Dómsmálaráðuneytið auglýsir eftir sérfræðingi til að starfa í verkefnastýringu og umsýslu sjóða tengdum Schengen -samstarfinu.

Starfið felur m.a. í sér þátttöku í stefnumótun, verkefnastjórnun, uppgjör á verkefnum og undirbúning ákvarðana er varða málefni styrktarsjóðs Evrópusambandsins um stjórnun landamæra og útgáfu áritana (Border Management and Visa Instrument), sem og samskipti við styrkþega vegna umsókna um styrk til sjóðsins, upplýsingagjöf, eftirfylgni með umsóknum, yfirferð á tölulegum gögnum vegna umsókna, framvinduskýrslum ásamt því að annast vefsíðu sjóðsins.

• Háskólapróf sem nýtist í starfi

• Reynsla af verkefnastjórnun er kostur

• Reynsla af stefnumótun er kostur

• Þekking á reglum og verkferlum sjóða Evrópusambandsins er kostur

• Þekking á opinberum innkaupum er kostur

• Reynsla af vinnu við fjárhagsleg gögn kostur

• Góð tök á íslensku og ensku

• Frumkvæði og geta til að starfa sjálfstætt sem og í hóp

• Þjónustulund og góð hæfni í mannlegum samskiptum

• Drifkraftur, metnaður og skipulagshæfileikar

Laun samkvæmt gildandi kjarasamningi sem fjármála- og efnahagsráðherra og Félag háskólamenntaðra starfsmanna Stjórnarráðsins hafa gert.

Umsókn skal fylgja ferilskrá og kynningarbréf þar sem gerð er grein fyrir hæfni viðkomandi til að sinna starfinu. Umsóknir skulu sendar gegnum starfatorg og verður öllum umsóknum svarað þegar ákvörðun um ráðningu liggur fyrir.

Um fullt starf er að ræða er að ræða og gilda umsóknir í 6 mánuði frá því að umsóknarfrestur rennur út, sbr. 2. gr. reglna um auglýsingar á lausum störfum nr. 1000/2019.