Hjúkrunarfræðingur á storkumeinastöð, dagvinna

Hjúkrunarfræðingar óskast til starfa við umsjón blóðþynningar á storkumeinastöð á Landspítala. Unnið er í dagvinnu. Starfshlutfall er 40-60% eða eftir nánara samkomulagi.

Á storkumeinastöð Landspítala starfar hópur fagfólks sem leggur áherslu á vandaða þjónustu, öryggi sjúklinga og góða teymisvinnu.

Við leitum að hjúkrunarfræðingi sem hefur áhuga á sjálfstæðu og fjölbreyttu starfi við umsjón blóðþynningarmeðferðar. Starfið felur í sér náin samskipti við sjúklinga, fræðslu og ráðgjöf ásamt mikilvægu hlutverki í að tryggja örugga og árangursríka meðferð.

Starfið felst í skömmtun segavarnarlyfja ásamt fræðslu, ráðgjöf og umsjón með sjúklingum í blóðþynningarmeðferð.

• Hjúkrunarfræðingur með íslenskt starfsleyfi

• Reynsla af klínískum störfum með sjúklinga

• Mjög góð íslenskukunnátta ásamt góðri kunnáttu í ensku

• Góð samskiptahæfni, nákvæmni í vinnubrögðum og hæfni til að vinna undir álagi

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta.Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, Hjúkrunarfræðingur,

Tungumálahæfni: íslenska 4/5, enska 3/5

Staðsetning: Hringbraut, 105

Félag íslenskra hjúkrunarfræðinga Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert. is is