Fjármálastjóri

Menntasjóður námsmanna (MSNM) óskar eftir að ráða öflugan og metnaðarfullan fjármálastjóra til að leiða og þróa fjármálastarfsemi sjóðsins. Um er að ræða ábyrgðarmikið og fjölbreytt starf þar sem reynir á greiningarhæfni, yfirsýn, frumkvæði og góða samskiptahæfni.

Fjármálastjóri gegnir lykilhlutverki í daglegri stjórnun fjármála sjóðsins og vinnur náið með framkvæmdastjóra, stjórnendum og opinberum aðilum að áætlanagerð, upplýsingagjöf og áframhaldandi þróun fjármálastýringar sjóðsins.

• Ábyrgð á daglegri fjármálastýringu sjóðsins

• Umsjón með gerð fjárhagsáætlana, rekstraráætlana og sjóðstreymisáætlana

• Umsjón með bókhaldi og gerð ársreikninga

• Eftirlit með rekstri, greiningum og eftirfylgni með fjárhagslegum markmiðum

• Umsjón með útlánastýringu, innheimtu og endurheimtum í samstarfi við aðra stjórnendur

• Gerð kostnaðargreininga, tölfræðivinnslu og fjárhagslegra greininga fyrir stjórnendur, stjórn og ráðuneyti

• Ábyrgð á launavinnslu og tengdum verkefnum

• Þróun og umbætur á verkferlum, verklýsingum og ferlum innan fjármála og bókhalds

• Samskipti við ráðuneyti, Seðlabanka Íslands, Fjársýsluna, viðskiptabanka og aðra samstarfsaðila

• Ráðgjöf til stjórnenda og starfsfólks varðandi fjárhagsleg málefni

• Háskólamenntun sem nýtist í starfi, s.s. á sviði viðskiptafræði, hagfræði, reikningsskila eða endurskoðunar

• Reynsla af bókhaldi, fjármálastjórnun, áætlanagerð og uppgjörsvinnu

• Þekking á opinberri stjórnsýslu og opinberum fjármálum er kostur

• Góð greiningarhæfni og reynsla af framsetningu upplýsinga og gagna

• Frumkvæði, skipulagshæfni og sjálfstæð vinnubrögð

• Framúrskarandi samskiptahæfni og færni til að hvetja aðra til árangurs

• Framsýni, metnaður og drifkraftur

• Góð tölvukunnátta. Þekking á Orra, fjárhagskerfi ríkisins, er kostur

• Mjög gott vald á íslensku og ensku í ræðu og riti

Menntasjóður námsmanna er félagslegur jöfnunarsjóður sem hefur það að markmiði að tryggja námsmönnum í lánshæfu námi jöfn tækifæri til náms, án tillits til efnahags og stöðu að öðru leyti, með því að veita námsmönnum fjárhagslega aðstoð í formi námslána og styrkja. Hjá MSNM starfa um 30 starfsmenn. Gildi sjóðsins eru: fagmennska, samstarf og framsækni. Nánari upplýsingar má finna á www.menntasjodur.is.

Umsóknarfrestur er til og með 25. maí 2026. Umsókn óskast fyllt út á www.intellecta.is og þarf henni að fylgja starfsferilskrá og ítarlegt kynningarbréf (hvort tveggja á íslensku), þar sem gerð er grein fyrir ástæðu umsóknar og hæfni umsækjanda sem nýtist í starfi. Áhugasamir einstaklingar, óháð kyni, eru hvattir til að sækja um starfið. Laun eru samkvæmt kjarasamningi fjármála- og efnahagsráðherra við Visku stéttarfélag. Athygli er vakin á því að umsóknir gilda í 6 mánuði frá því að umsóknarfrestur rennur út. Öllum umsóknum verður svarað þegar ákvörðun um ráðningu hefur verið tekin.