Sérfræðingur á sviði umhverfis- og loftslagsmála og nýsköpunar

Byggðastofnun óskar eftir að ráða starfsmann á sviði umhverfis- og loftslagsmála og nýsköpunar. Um er að ræða stöðu á þróunarsviði Byggðastofnunar á Sauðárkróki.

• Umsjón með verkefnum og viðburðum stofnunarinnar á sviði umhverfis- og loftslagsmála og nýsköpunar

• Stefnumörkun og samskipti við hagaðila á sviði umhverfis- og loftslagsmála

• Samstarf við landshlutasamtök sveitarfélaga og aðra hagaðila á sviði atvinnuþróunar og nýsköpunar í landsbyggðunum

• Erlent samstarf á sviði umhverfis- og loftslagsmála, orkuskipta og sjálfbærrar atvinnuþróunar

• Þátttaka í framkvæmd verkefna samkvæmt byggðaáætlun

• Háskólamenntun á framhaldsstigi innan umhverfis- og loftslagsmála

• Þekking/reynsla innan opinberrar stjórnsýslu

• Þekking og reynsla af vistkerfi nýsköpunar í landsbyggðunum

• Gagnalæsi og haldbær reynsla af rannsóknarverkefnum innan umhverfis- og loftslagsmála á innlendum og erlendum vettvangi

• Reynsla og menntun í verkefnastjórnun og viðburðahaldi

• Haldbær reynsla af erlendu samstarfi

• Framúrskarandi færni í samskiptum

• Gott vald á íslensku og ensku í ræðu og riti

Umsókn skal skilað í umsóknargátt á heimasíðu Byggðastofnunar. Með umsókn skal fylgja ítarleg starfsferilsskrá og staðfesting á prófgráðum ásamt kynningarbréfi þar sem gerð er grein fyrir ástæðum umsóknar og hvernig viðkomandi uppfyllir hæfniskröfur. Öllum umsóknum verður svarað þegar ákvörðun um ráðningu í starfið liggur fyrir.

Starfshlutfall er 100%. Staðsetning starfsins er á Sauðárkróki.

Launakjör eru samkvæmt gildandi kjarasamningi.