Hefur þú áhuga á alþjóðlegum efnahagsmálum?

SEÐLABANKI ÍSLANDS óskar eftir að ráða sérfræðing til starfa í deild alþjóðasamskipta, miðlunar og stefnumótunar á sviði skrifstofu bankastjóra.

Skrifstofa bankastjóra hefur miðlæga yfirsýn yfir starfsemi bankans, styður við störf bankaráðs, nefnda bankans auk seðlabankastjóra og varaseðlabankastjóra. Deild alþjóðasamskipta, miðlunar og stefnumótunar ber ábyrgð á ráðgjöf og þjónustu við framangreinda aðila, sem meðal annars felst í undirbúningi funda, erinda, ákvarðana, verkefnastjórn, undirbúningi nefndarstarfs og bankaráðsfunda. Deildin fer einnig með alþjóðasamskipti svo sem þátttöku í stefnumótun á sviði Alþjóðagjaldeyrissjóðsins, umgjörð stjórnarhátta, rekstraráhættu og verkefnastýringu verkefnasafns, innra upplýsingaflæði ásamt ytri upplýsingamiðlun.

• Þáttaka í alþjóðasamstarfi innan kjördæmis Norðurlanda og Eystrasaltsríkja hjá Alþjóðagjaldeyrissjóðnum.

• Regluleg samskipti við og fundir með sérfræðingum Alþjóðagjaldeyrissjóðsins.

• Skipulag reglulegra heimsókna og árlegrar úttektar Alþjóðagjaldeyrissjóðsins á Íslandi og fleiri alþjóðlegra aðila.

• Greiningar á sviði alþjóðlegra efnahagsmála, peningastefnu og fjármálastöðugleika.

• Undirbúningur kynninga og annars efnis fyrir varaseðlabankastjóra um efni tengt alþjóðlegum efnahagsmálum, peningastefnu og fjármálastöðugleika.

• Háskólamenntun sem nýtist í starfi svo sem á sviði hagfræði eða fjármála.

• Góð greiningarfærni og hæfni til að vinna markvisst úr gögnum og upplýsingum.

• Kunnátta á myndrænni framsetningu gagna.

• Þekking og reynsla af alþjóðamálum.

• Reynsla af alþjóðlegum samskiptum og stefnumótun á því sviði er kostur.

• Hæfni til að tjá sig og miðla upplýsingum í ræðu og riti á íslensku og ensku.

• Góð færni í mannlegum samskiptum og árangursríkri teymisvinnu.

• Fagleg vinnubrögð, umbótahugsun og metnaður til að ná árangri í starfi.
  

Um er að ræða 100% starfshlutfall með starfsstöð í Reykjavík. Sótt er um starfið á heimasíðu Seðlabanka Íslands, www.sedlabanki.is/storf. Með umsókn þarf að fylgja ferilskrá og kynningarbréf þar sem gerð er grein fyrir ástæðu umsóknar og hæfni viðkomandi til að gegna starfinu rökstudd.

Við ráðningar í störf hjá Seðlabanka Íslands er tekið mið af jafnréttisstefnu og jafnréttisáætlun bankans og er fólk af öllum kynjum hvatt til að sækja um. Laun greiðast samkvæmt kjarasamningi samtaka starfsmanna fjármálafyrirtækja. Umsóknir gilda í sex mánuði og öllum umsóknum verður svarað þegar ákvörðun um ráðningu hefur verið tekin. Vakin er athygli umsækjenda á því að um ráðningarferlið gilda m.a. stjórnsýslulög nr. 37/1993, upplýsingalög nr. 140/2012 og lög um réttindi og skyldur starfsmanna ríkisins nr. 70/1996.

Seðlabanki Íslands er sjálfstæð stofnun í eigu ríkisins sem heyrir undir forsætisráðherra. Markmið bankans er að stuðla að stöðugu verðlagi, fjármálastöðugleika og traustri og öruggri fjármálastarfsemi. Þá skal bankinn sinna viðfangsefnum sem samrýmast hlutverki hans sem seðlabanka, svo sem að varðveita gjaldeyrisforða og stuðla að virku og öruggu fjármálakerfi. Hjá Seðlabankanum starfar öflug liðsheild og leggur bankinn ríka áherslu á metnaðarfullt og hvetjandi starfsumhverfi sem einkennist af fagmennsku, heilindum, auðmýkt og áræðni.