Sérfræðingur í umsýslu endurgreiðslna

Kvikmyndamiðstöð Íslands óskar eftir að ráða drífandi einstakling með faglegan styrk, metnað, frumkvæði og góða samskiptahæfni til að sinna starfi sérfræðings í umsýslu endurgreiðslukerfis vegna kvikmyndagerðar á Íslandi.
Um er að ræða fjölbreytt og ábyrgðarmikið starf á vettvangi íslenskrar kvikmynda- og sjónvarpsgerðar þar sem viðkomandi vinnur náið með ýmsum hagaðilum, þ.m.t. nefnd um endurgreiðslur vegna kvikmyndagerðar, framleiðendum, umsækjendum, endurskoðendum og stjórnvöldum.

Endurgreiðslukerfið byggir á lögum nr. 43/1999 um tímabundnar endurgreiðslur vegna kvikmyndagerðar á Íslandi og er ætlað að efla innlenda kvikmyndagerð og stuðla að alþjóðlegri framleiðslu hér á landi.

Starfið krefst nákvæmni, faglegra vinnubragða og hæfni til að vinna með fjölbreyttum hópi umsækjenda og samstarfsaðila. Um er að ræða spennandi tækifæri fyrir einstakling sem hefur áhuga á kvikmyndagerð og opinberri stjórnsýslu.

• Umsýsla umsókna um vilyrði og útborgun endurgreiðslna vegna kvikmyndagerðar

• Yfirferð umsóknargagna

• Samskipti og leiðbeiningar til umsækjenda og annarra hagaðila

• Undirbúningur mála fyrir fundi nefndar um endurgreiðslur

• Frágangur mála, umsýsla gagna og skjalavarsla

• Þátttaka í þróun verklags, leiðbeininga og umbótaverkefna tengdum endurgreiðslukerfinu

• Ýmis önnur tilfallandi verkefni á skrifstofu Kvikmyndamiðstöðvar Íslands

• Menntun sem nýtist í starfi

• Þekking eða reynsla af kvikmynda- og sjónvarpsframleiðslu

• Reynsla af yfirferð fjárhagsgagna, bókhalds eða uppgjöra

• Reynsla af verkefnastjórnun er kostur

• Þekking eða reynsla af opinberri stjórnsýslu er kostur

• Frumkvæði, nákvæmni, skipulagshæfni og sjálfstæð vinnubrögð

• Lipurð í mannlegum samskiptum og þjónustulund

• Góð íslensku- og enskukunnátta í ræðu og riti

• Góð tölvukunnátta og hæfni til að tileinka sér ný upplýsingakerfi

Kvikmyndamiðstöð Íslands gegnir lykilhlutverki í íslenskum kvikmynda- og sjónvarpsiðnaði með því að veita fjármagn til framleiðslu íslenskra kvikmynda og sjónvarpsverka, kynna íslenskar kvikmyndir á alþjóðlegum vettvangi og styðja við kvikmyndamenningu á Íslandi með margskonar hætti. Kvikmyndamiðstöð Íslands leggur áherslu á lifandi og skemmtilegt starfsumhverfi með möguleika á aðkomu að fjölbreyttum og spennandi verkefnum tengdum stuðningi við kvikmyndir. Nánari upplýsingar má finna á: www.kvikmyndamidstod.is.

Umsóknarfrestur er til og með 31. ágúst 2026. Umsókn óskast fyllt út á www.intellecta.is og þarf henni að fylgja starfsferilskrá og kynningarbréf, þar sem gerð er grein fyrir ástæðu umsóknar og hæfni umsækjanda sem nýtist í starfi. Umsóknir gilda í sex mánuði frá því að umsóknarfrestur rennur út. Launakjör eru samkvæmt kjarasamningi viðkomandi stéttarfélags og fjármálaráðherra f.h. ríkissjóðs. Kvikmyndamiðstöð Íslands leggur áherslu á fjölbreytileika og hvetur öll áhugasöm til að sækja um starfið. Öllum umsóknum verður svarað þegar ákvörðun um ráðningu hefur verið tekin.