Vélstjóri

Landhelgisgæsla Íslands óskar eftir að ráða metnaðarfulla og kraftmikla einstaklinga í störf yfirvélstjóra og undirvélstjóra á varðskipum stofnunarinnar.

• Takmörkuð réttindi í stöðu yfirvélstjóra og undirvélstjóraréttindi í stöðu undirvélstjóra

• Kunnátta á ACON tölvukerfi og Helicon X3 tölvukerfi er kostur

• Frumkvæði og sjálfstæði í vinnubrögðum

• Framúrskarandi samskipta- og samstarfshæfileikar

• Snyrtimennska og góð umgengni

• Góð almenn tölvufærni

• Góð kunnátta í íslensku og ensku í ræðu og riti

• Búseta á Norðurlandi er kostur vegna starfa um borð í varðskipinu Freyju

Umsækjendur þurfa að standast kröfur Landhelgisgæslunnar um líkamlegt og andlegt atgervi. Einnig skulu starfsmenn uppfylla skilyrði fyrir öryggisheimild samanber varnarmálalög nr. 34/2008 og reglugerð nr. 959/2012.

Landhelgisgæsla Íslands er löggæslustofnun sem hefur það hlutverk að sinna löggæslu og eftirliti sem og leit og björgun á hafsvæðinu umhverfis Ísland. Landhelgisgæslan annast einnig framkvæmd á varnartengdum rekstrarverkefnum í umboði utanríkisráðuneytisins sbr. varnarmálalög nr. 34/2008 og samning við utanríkisráðuneytið, þ.m.t. er rekstur öryggissvæða, mannvirkja, kerfa, stjórnstöðvar og ratsjár- og fjarskiptastöðva Atlantshafsbandalagsins.
Hjá Landhelgisgæslunni starfar rúmlega 270 manna samhentur hópur sem hefur að leiðarljósi slagorðið: Við erum til taks! Gildi Landhelgisgæslunnar eru: Öryggi – Þjónusta – Fagmennska.
Nánari upplýsingar um Landhelgisgæslu Íslands má finna á: www.lhg.is.

Umsóknarfrestur er til og með 22. júní 2026. Umsókn óskast fyllt út á www.intellecta.is og þarf henni að fylgja starfsferilskrá og kynningarbréf þar sem gerð er grein fyrir ástæðu umsóknar og hæfni umsækjanda sem nýtist í starfi. Umsóknir gilda í sex mánuði frá dagsetningu auglýsingar. Áhugasamir einstaklingar, óháð kyni, eru hvattir til að sækja um. Launakjör eru skv. kjarasamningi viðkomandi stéttarfélags og fjármálaráðherra f.h. ríkissjóðs.