Skattframtöl

Þjóðskjalasafn varðveitir skattframtöl einstaklinga og lögaðila sem skattstofur víðs vegar um landið hafa afhent fram til ársins 2010. Í þeim er að finna ýmsar upplýsingar um réttindi, til dæmis lífeyrisréttindi, húsbyggingarskýrslur, veðbréfakaup, sjódaga og fleira. Þessar heimildir eru háðar aðgangstakmörkum, sjá nánar hér um reglur um aðgang að gögnum.

Til þess að hægt sé að afgreiða skattframtöl þurfa ákveðnar grunnupplýsingar að liggja fyrir:

• Nafn og fæðingardagur þess sem telur fram

• Í hvaða sveitarfélagi viðkomandi átti lögheimili

• Tekjuárið sem leitað er að

• Nafn og fæðingardagur maka ef um samsköttun var að ræða

Skattframtöl sem skilað var á rafrænu formi eru afgreidd af Skattinum.

Rétt er að taka fram að eldri skattframtöl sem skilað var á pappír hafa ekki öll verið afhent Þjóðskjalasafni til varðveislu. Helstu undantekningarnar eru þessar:

• Skattframtöl úr Reykjavík fram til 1981 eru varðveitt á Borgarskjalasafni Reykjavíkur

• Skattframtöl frá Suðurlandi eftir 1960 eru varðveitt á starfsstöð Skattsins á Hellu

• Skattframtöl frá Vestfjörðum eftir 1984 eru varðveitt á starfsstöð Skattsins á Ísafirði