Nýr vefur Heilbrigðisstofnunar Suðurnesja hefur verið opnaður á Ísland.is. HSS bætist þar með í hóp fleiri stofnana á heilbrigðissviði sem miðla upplýsingum á Ísland.is:

• Embætti landlæknis

• Heilbrigðisstofnun Austurlands

• Heilbrigðisstofnun Norðurlands

• Heilbrigðisstofnun Suðurlands

• Heilbrigðisstofnun Suðurnesja

• Heilbrigðisstofnun Vesturlands

• Blóðbankinn

• Sjúkrahúsið á Akureyri

• Sjúkratryggingar

Þá er unnið að nýjum vefjum fyrir Heilsugæslu höfuðborgarsvæðisins og Landspítalann.

Hagræði í aukinni samvinnu

Nú eru alls 62 vefir opinberra aðila innan vébanda Ísland.is. Helstu kostir þess fyrir opinbera aðila er aðgangur að sameiginlegum verkfærum, rekstrarumhverfi og sérþekkingu. Efni vefjanna er aðgengilegt öllum notendum Ísland.is í gegnum leit og leiðakerfi og sett upp með hliðsjón af hönnunar- og efnisstefnum sem tryggja góða og samræmda upplifun notenda.